Feto Tenke Brani Kompete Ho Mane Iha Eleisaun

DILI – Feto tenke brani no hatudu kapasidade, hodi bele kompete ho mane sira ihe eleisaun jeral neebe mak sei halao iha 2017.

Tuir dekanu fakuldade ekonomia IOB, Agostinho Coelho, hatete, feto ho mane ninia direitu nee hanesan, maibe fo korajen nafatin ba feto sira atu nunee bele compete iha eleisaun. Oinsa feto sira kontinua kapasita aan, liu-liu governu liu husi SEM, presiza fo formasaun no korazen nafatin inan feton sira.

Hau hanoin ita nia inan feton sira hahu prepara aan ona, hodi bele kompete ho mane sira iha eleisaun, ita hotu espera kataka, sira mos iha kapasidade neebe mak diak, no sira hatudu sira nia koinesementu katak, sira mos pronto atu kompete ho mane sira, tanba kada partidu ida sei reprejta mos inan feton sira,” hatete Coelho ba STL liu husi via-telefone, Tersa (27/12/2016).

Iha parte seluk, xefi suku Caicoli, Hipolito Marques Sarmento hatete, feto ho mane iha direitu hanesan, hodi bele kompete ho mane sira iha eleisaun jeral, tanba feto mos iha direitu hanesan ho mane sira, maibe oinsa mak feto sira nia preparasaun hodi bele tama iha eleisaun jeral 2017.

Nunee mos iha fatin seluk, deputadu husi bankada PD, Adriano Joao, liu husi via-telefone, hatete, tenke fo korazen nafatin ba inan feton sira, tanba 2017 Timor oan hotu sei halo eleisaun jeral ba Prezidente no  Parlamentu, neebe iha fulan ida nee nia laran sei halo  eleisaun ba xefi suku no xefi aldeia. Informasaun kompletu iha STL Jornal no STL Web, edisaun Sesta (30/12/2016). Jacinta Sequeira

Suara Timor Lorosae

Tempu Badak, Horta Sei Deklara Kandidata Aan Ba PR

DILI - Eis prezidente Republika Jose Ramos Horta sei deklara kandidata Aan ho Independente ba Prezidente Republika Periode 2017-2022, hodi kompete ho kandidatura sira seluk iha elisaun prezidensial.

Tuir Eis Prezidente Republika Jose Ramos Horta katak nasaun nee Prezidente Republika tenke iha ema ida neebe la iha partidu liu-liu iha 2017, ema nain tolu sei infrenta malu tan nee tenke iha Prezidente ida neebe mak koalia hotu-hotu rona.

Hau ba oin, Hau hatene tempu komesa besik ona, tenki halo desizaun duni, Hau hanoin masimu semana ida tan hau sei komonika kadidatu Aan ou lae ba publiku,” dehan Horta ba Jornalista Kinta hafoin Hasoru malu ho Prezidente Republika Taur Matan Ruak iha Palasiu Prezidensial Nicolao Lobato.

Nia hatete maske reflesaun seidauk remata no sei halo reflesaun nafatin, no konsege koalia ho Prezidente Republika kona ba ninia kandidatura, tamba konsege asimu ona kargu Prezidente Republika, maibe Prezidente Taur apoiu no hakarak Horta kandidata aan ba Prezidente.

Iha fatin ketak Tuir Observador Politika Carlito de Deus hatete, nia parte rona Eis Prezidente Republika Jose Ramos Horta kandidata aan fila fali nee diak tebes, tamba iha ona esperensia kaer kargu nudar prezidente republika.

Bazea ba dadus neebe mak STL Konsege rejista sidadaun Timor oan neebe mak konsege deklara ona ba publiku hodi kandidata Aan ba Prezidente Republika mak hanesan Jose Neves, Amorin Viera, Antonio Fatuk Mutin, Francisco Guterres Lu-Olo no Flavio. Informasaun kompletu iha STL Jornal no STL Web, edisaun Sabado (31/12/2016). Timotio Gusmao

Suara Timor Lorosae

Tribunal Husik Emilia Halai Ba Liur

DILI – Direitor Kompania Junior LDA, Alarico Daitula hateten, Kazu bar barak lori ba Tribunal neeba, larejolve to ohin loron, depois kaer Emilia Pires husik halai sai tiha ba rai liur.

Kazu bar barak lori ba Tribunal neeba, hau hanoin Juis Timor oan sira iha neeba uluk familia lakoi ukun aan nee maka agora kria hela buat ida intabilidade, kaer korupsaun ba sira rasik maka fasilita ema sira nee agora halai tan tiha ba rai liur ona ,” dehan Alarico, bainhira dada lia ho STL, iha Hudi laran, Dili, Sesta (30/12/2016).

Nia dehan, Juis sira maka halo konsiparasaun ho Ministru sira nee tun sae, iha kotuk kotuk para haruka koruptor sira nee halai sai ba liur.

Sira tuir Alarico katak, atu hetan previleziu husi poder nee para atu goza hateten sira nian aan sira nee maka dotour, sira nee maka juis, sira nee maka halo lei no sira maka kontrola buat hotu hotu iha rai ida nee.

Iha parte seluk observador Fransisco Mausoro katak, kuandu ema ida viola ona lei nia tenke tuir prosesu ka desijaun neebe mak mai husi tribunal no hau hare mak Ministeriu Publiku no tribunal aplika ka lae no labele ba ema kiik deit no kaundu ema kiik mak viola no kaer kedas tuir prosedimentu legal hodi hatan ba iha tribunal.

Nia hatutan, povu Timor Leste tau konfiansa ba iha autoridade justisa tamba bele fo justisa ba ema. Maibe, hare katak Emilia Pires halimar ho estadu liu-liu ba iha Tribunal tamba nee bele dehan katak bele halimar mos lei Timor Leste nian ida nee. Informasaun kompletu iha STL Jornal no STL Web, edisaun Sabado (31/12/2016). Carme Ximenes/ Josefa do Santo

Suara Timor Lorosae

Governu Orgullu- Apresia Performance Maria Vitoria

DILI - Sestu governu Konstitusional senti orgoilu no apresia Performance artista Timor oan Maria Vitoria iha Dangdut Akademi Asia 2 neebe halao iha Indonesia, tamba konsege hetan Kuartu Lugar.

Tuir Primeiru Ministru Rui Maria de Araujo katak Timor oan hotu senti orgoilu no apresia buat neebe mak Maria Vitoria halao no hetan, presiza fo apresiasaun maibe ba oin familia sira mak disidi.

Ita hotu orgoliu ba Timor oan sira neebe mak konsege atinji ita fo apresiasaun ida nee ba ita nia sidadaun ida maibe ba oin nia (Maria-Red) rasik ho Familia mak disidi,” dehan Rui ba Jornalista Kinta (29/12/2016) iha Palasiu Prezidente Republika.

Iha fatin ketak Xefi Bankada PD Maria Lurdes Bessa hatete Maria Vitoria partisipa iha Dangdut Akademi 2 reprezenta Timor Leste konsege tama iha 4 besar neebe orgoilu boot ba Timor oan hotu.

Nia hatete Maria Vitoria konsege hamorin Timor leste nia naran iha musika dangdut tan nee Timor oan hotu senti orgoilu tan nee hotu-hotu fo apoiu ba sira.

Nunee mos Xefi Bankada Frente Mudansa Jose Luis Guterres hatete nia parte senti kontente maske ladun hare barak maibe iha Maria neebe reprezenta Timor senti orgoilu. Informasaun kompletu iha STL Jornal no STL Web, edisaun Sabado (31/12/2016). Timotio Gusmao

Suara Timor Lorosae

Selebra Tinan Foun, PM Rui Husu Povu Hametin Estabilidade

DILI – Selebra Tinan foun 2017, Primeiru Ministru Rui Maria de Araujo husu povu Timor Leste tomak atu hametin estabilidade no kontribui ba prosesu dezenvolvimentu Nasional ho optimista.

Tuir Primeiru Ministru Rui Maria de Araujo katak Selebra Tinan foun husu ba povu atu optimista nafatin, tamba Timor Leste iha futuru neebe diak maibe tenki servisu makas liu tan.

Ita foun husu ba povu optimis nafatin, ita iha future neebe mak diak tenki servisu makas liu tan, hakas Aan atu partisipa no kotribui liu-liu ba seguransa no estabilidade hodi kontribui ba Dezenvovlimentu Timor nian,” dehan Rui ba Jornalista Kinta (29/12/2016) iha Palasiu Prezidensial Nicolao Lobato.

Nia hatete publiku hatene durante tinan 2016 iha dezafiu barak maibe konsege ultrapasa no sei iha problema barak hanesan nasaun neebe seidauk rezolve prosesu konstrukasaun estadu ou nasaun.

Nunee mos Ativista Aniceto da Costa Belo hatete Loron boot natal Timor oan hotu hatudu maturidade diak hodi hametin paz no estabilidade tan nee laiha akontesementu ruma neebe afeita ba estabilidade.

Observador Politika Antonio Belo da Costa hatete Situasaun neebe hakmatek mak Timor oan hotu nia hakarak tamba nee hotu-hotu iha hanoin sei kontribui ba prosesu hametin paz no dame iha Timor. Informasaun kompletu iha STL Jornal no STL Web, edisaun Sabado (31/12/2016). Timotio Gusmao

Suara Timor Lorosae

PNTL ho KAK Investiga Kazu Karreta Soke Moru

DILI — Polísia Nasionál Timor-Leste servisu hamutuk ho Komisaun Anti Korrupsaun (KAK) investiga hela karreta ne’ebé soke moru iha kampu pramuka.

“Ami servisu hamutuk ho Komisaun Anti Korrupsaun (KAK) hodi bele hala’o investigasaun ba kazu ne’e no kondutór nia kondisaun di’ak hela, nia submete ba prosesu,” Segundu Komandante PNTL Munisípiu Dili, Superintendente Asistente Euclides Belo informa ba jornalista sira iha Kuartél PNTL munisípiu Dili, Kuarta (28/12).

Nia dehan, kazu antigu sira mós sei servisu hamutuk ho KAK, nune’e bele prosesu hotu ba Ministériu Públiku (MP), nune’e bele promove ba tribunál.

Purtantu,Komandu Polísia Nasionál Timor Leste (PNTL) munisípiu Dili orienta ona Seksaun Investigasaun tránzitu tau ona Polísia Line ba karreta ne’ebé deskonfia hosi ministériu Edukasaun (ME) nian  soke parede iha kampu pramuka.

Euclides Belo dehan, polísia identifika ona karreta refere iha ofisina balun iha kapitál Dili.

“Ita identifika no orienta ona seksaun investigasaun tránzitu nian tau ona polísia line no dehan ba ofisina ne’e atu labele hadi’a lai karreta ne’e,” dehan Euclides Belo.

Nia hatutan, karreta ne’e klaru hosi governu nian, polísia seidauk bele fó sai hosi munisitériu ne’ebé nian.

Tanba sei iha hela investigasaun nia laran, no ofisina mós seidauk bele fó sai ba públiku.

Maske parte polísia seidauk fó sai, maibé dadus ne’ebé mak Timor Post hetan katak karreta ne’e deskonfia hosi Ministériu Edukasaun ho xapa-matríkula 04.329 G soke parede kampu Pramuka nian iha loron 24 lorokraik.

Antes ne’e, Polísia Nasionál Timor Leste (PNTL) buka tuir hela karreta estadu nian ne’ebé mak soke iha área kampu Pramuka ka Xanana Sport Center nian ne’ebé deskonfia hosi Ministériu Edukasaun (ME) nian.

Segundu Komandante PNTL munisípiu Dili, Superintendente asistente Euclides Belo dehan, PNTL sei buka tuir hela karreta estadu ne’ebé soke parede iha kampu Pramuka nian.

“Ami buka para lori mai iha ne’e, tanba karreta estadu sirkula iha loron 24 ho 25 (loron feriadu) nia la’o depois soke ne’e kondutór iha problema,” dehan Euclides. (way)

Timor Post

Polisia Kaptura tan Na’in Ida Kazu Oho Aderito

DILI - Polísia Nasionál Timor Leste (PNTL) kaptura tan suspeitu na’in ida ho inisial R ne’ebé hamutuk ho nia maluk na’in haat seluk inklui inisiál E ne’ebé kapturadu hafoin oho vítima ho naran Adérito iha Becora, iha loron Tersa 20/12.

Inisial E bainhira ba tuir primeiru interogatóriu iha tribunál, Kuarta (27/12), deklara katak nia hamutuk ho nia kolega sira inisial R, I, A ho M maka oho Adérito, tanba gas motor lian maka’as iha sira nia oin. 

Segundu Komandante PNTL Munisípiu  Dili, Superintendenti Assistenti Euclides Belo dehan, PNTL horisehik (horibairua) kaptura tan suspeitu ida ho naran inisial R ne’e agora detein hela iha sela.

“Ita kaptura tan ona suspeitu na’in ida ho naran inisial R no agora detein hela iha ami nia sela durante 72 oras hodi hein prosesu tuir mai,”dehan Euclides ba Jornalista sira iha Kuartel PNTL, Kaikoli, Kuarta, (28/12).

Nia hatutan, suspeitu balun ne’ebé mak seidauk kaptura husu para atu intrega án duke polísia mak ba buka tuir mak foin kaptura ne’e nia prosedimentu todan tan, tanba sira iha ona mandadu kapturasaun.

“Di’ak  liu ha’u husu para sira intrega an de’it hodi submete ba prosesu tanba sira iha ona mandadu kapturasaun,”dehan Euclides.

Nia hatutan, polísia nafatin buka tuir sira tanba mandadu iha ona sedu ou tarde sei kaptura hotu, kazu sira hanesan ne’e bainhira liu ona 12 oras de tempu polísia tenke hein mandadu hodi bele kaptura suspeitu, mais fragantu de leitu polísia kaptura kedas.

Suspeitu ne’ebé mak seidauk kaptura mak ho naran inisial hanesan I, A ho M, kazu ne’e akontese iha loron 21 fulan ida ne’e iha area sabraka laran Bekora.

TDD kansela Desizaun

Entretantu Tribunál Distrital Dili (TDD), Kuarta, (28/12), adia desizaun final ba suspeitu na’in 9 ne’ebé deskonfia envolve mos kazu oho Adérito iha Becora.

Julgamentu primeiru interogatóriu hodi deside destinu suspeitu sira ne’e tenke kansela tiha ba loron 30 Dezembru, tuku 4:30h otl, tanba juis ne’ebé toma konta ba kazu ne’e la marka prezensa.

“Ita bo’ot sira agora fila-fali ba fatin no julgamentu ne’e labele kontinua tanba juis ne’ebé maka ka’er  prosesu ne’e nia família  mate, tanba ne’e maka tribunál adia hikas kazu ne’e ba loron 30 tuku 4 lorokraik,” informa Ofisial Justica ida iha tribunál, Kuarta, (28/12).

Suspeitu na’in 9 ne’ebé deskonfia envolve iha kazu omesidu hasoru vítima Adérito ho inisial JV, FM, JX, AP, JP, SA, SS, UC, no EO.

Iha prosesu audénsia  julgamentu investigasaun ba arguidu na’in 9 ne’e, iha arguidu na’in 8 maka rejeita envolve iha kazu ne’e, so na’in ida maka rekoñese sai autor prinsipal ba kazu ne’e.

Aktus ne’ebé suspeitu sira komete tama iha kategória  krime homesidu agravadu tuir lei artigu 139 kodigu penal. Suspeitu sira bele ameasadu kadeia tinan 12 to’o 25. 

Entretantu antes ne’e, Tuir deklarasaun suspeitu JV katak, momentu akontese problema ne’e nia rasik laiha fatin akontesementu tanba toba hela iha uma, bainhira nia rona vítima hetan sona, nia rasik halai ba atu salva maibé tanba de’it vítima mate iha nia oin maka polísia sira mai kaptura fali maka nia.

“Problema ne’e ha’u la hatene, ha’u mos antar hela subrinha ida ba krisma iha prijaun, enatun fila mai ha’u mos ba toba iha uma, to’o iha uma ha’u  rona problema tun mai ema baku malu rame tiha ona, enatun ha’u tama ba sorin tiha maibé la konsege primu ne’e mai mate los iha ami nia oin lolos ne’e la’ós  ami maka oho,”haktuir JV iha tribunál antes tama ba julgamentu, Tersa, (27/12).

Iha parte seluk bainhira remata audénsia  julgamentu, diáriu  ne’e konfirma ba arguidu EO rasik deklara katak, nia hamutuk ho arguidu na’in 4 kompostu hosi I, A, R no M maibé arguidu sira ne’e seidauk hetan kapturasaun.

“Kolega na’in ualu ne’e la’e, ami na’in 5 ha’u  ho ha’u nia kolega I, A, R no M mak konsege baku vítima ne’e  to’o mate,”dehan Estaqui.

Iha sikun seluk Tuir Defeza ba Tribunál katak arguidu na’in 8 la envolve iha kazu ne’e, so ida suspeitu EO maka envolve diretamente. Tanba ne’e autor lolos ba kazu ne’e seidauk hetan kapturasaun hosi polísia.

Depois de rona deklarasaun hosi prosesu julgamentu interogativu ne’e, parte Ministeriu Públiku liu hosi Prokurador José Ello husu ba tribunál atu aplika pena prijaun preventiva ba arguidu na’in sia rajaun tanba vítima  mate.

Maibé iha parte seluk, defeza liuhosi defensor Públiku Estaqui Goterres husu ba Tribunla atu aplika TIR ba arguidu na’in ualu no aplika de’it prijaun prevetiva ba arguidu prinsipál, tanba tuir deklarasaun suspeitu nia rasik hamutuk ho arguidu na’in haat seluk maka sai autór prinsipal oho vítima.

Tuir kronologia data akontesementu kazu iha, loron 20 Dezembru madrugada iha fatin Bekora Sabraka laran, Tanba de’it  vítima  ho motor liuhosi festa nia oin gas motor, rajaun ne’e maka halo arguidu sira nervozu tida vítima to’o hakotu tan vítima nia vida.  (way)

Timor Post

Polisia Australia Prende Cocaina Tonelada 1,1

(salvioonline.com) – Polisia husi Australia fo sai anunsiu katak konsegue destroi redi Cocaina no prende aimoruk droga nee ho total tonelada 1.1, liu husi operasaun konjunta ho Tahiti.

Tuir fonte husi Polisia katak, Cocaina kilograma 600 hatama liu husi tasi ba Tahiti, no kilograma 500 seluk iha Sudney duranti loron Natal, no mos Heroina kilograma 32 iha Fiji.

Aimoruk droga ho kuantidade boot ida nee nia destinu mak merkadu Australia nian.

Valor merkadu husi Cocaina nebe haruka husi America Sul nee tuir estimasaun hamutuk euro milhaun 248,2.

Investigasaun ba redi boot husi aimoruk droga Cocaina ida nee hahu desde tinan rua liu ba hafoin polisia simu informasaun, no foin agora mak hetan rejultadu.

Operasaun konjunta ida nee konsegue kaer sidadaun Australia hamutuk 14 no sidadaun Nova Zelandia nain 1.

PARSERIA HO SALVIO ONLINE

Donald Trump akuza Obama halo difikulta tranzisaun

Prezidente eleitu Estadu Unidus, Donald Trump, akuza horisehik ba xefe Estadu norte-amerikanu, Barack Obama, halo deklarasaun “inflamatória” no difikulta prosessu transferénsia ba poder.

“Hau halo buat ne’ebé di’ak liu hodi ignora obstákulu barak no deklarasaun inflamatóriu hosi Prezidente [Barack Obama]. Ha’u hanoin katak tanzisaun sei la’o di’ak. Maibé lae!”, hakerek Prezidente eleitu iha nia konta rede sosiál Twitter, sein espesifika jéneru obstákulu saida, nein refere deklarasaun hosi Obama.

Donald Trump, manán na’in ba eleisaun iha loron 08 novembru liubá, sei hetan pose  iha loron 20 janeiru 2017, liuhosi  seremonia públiku hamutuk iha edifisiu Capitólio, iha Washington.

Loron rua hafoin eleisaun, trump no Obama hasoru-malu iha Sala Oval, eskritóriu prezidensial Casa Branca nian, no tenta koloka iha sorin diverjénsia no atake sira durante  fulan naruk iha kampaña eleitoral ida agressiva no moruk. Iha tempu  hanesan, na’in rua hato’o sira nia dezeju atu hala’o  tranzisaun ida pasífika.

Iha segunda-feira liubá, durante entrevista ida, Obama afirma ho fiar-an katak sei reeleitu ba mandatu datoluk kazu Konstituisaun norte-amerikana permite ninia kandidatura.

Prezidente eleitu utiliza moos rede sosial Twitter hodi hatan ba Obama: “Lahanoin!”.

Nune’e mos liu hosi Twitter, Trump manifesta dala ida tan ninia apoiu ba Israel, hafoin Konsellu Seguransa Nasoins Unidas vota iha sesta-feira liubá rezulusaun ida ne’ebé ezije atu hakotu “lalais” polítika kolonatu israelita iha Jerusalém-leste, nomós territoru sira ne’ebé  okupa iha Cisjordânia.

Estadus Unidus latama iha votasaun ba resolusaun ne’e, pozisaun ne’ebé hamosu kontrovérsia no ba Telavive, tamba Israel sempre hetan ho apoiu hosi Washington ba dossie sensivel ne’e. Pozisaun norte-amerikanu, ne’ebé akontese ba dahuluk dezde 1979, permite adopta resolusaun ne’e, aprova hosi membru 14 seluk hosi Konsellu Seguransa.

 “Ami labele kontinua husik hela Israel tratadu ho totál desprezu no desrespeitu hirak ne’e”, hakerek multimilionário.

 “Ami abituadu atu iha amigo bo’ot ida iha Estadu Unidus, maibé laós kazu ne’e.
Inísiu ho ikus maka akordu orrível ho Iraun [kona-ba programa nuklear iranianu] no agora (iha ONU)! Mantein forte Israel, iha loron 20 janeiru mai”, hatutan Trump.

SAPO TL ho Lusa

Rai-nakdoko ho magnitude 6,2 eskala Richter iha Indonézia

Rai-nakdoko ho magnitude 6,2 eskala Richter rejista sesta-feira iha parte oriental Indonézia, refere ajénsia jeolójika Estadus Unidus.

Tuir ajénsia jeolójika, rai-nakdoko komesa iha 06:30 oras likál sesta-feira nian iha rejiaun Sumbawa.

Episentru besik kilómetru 30 hosi sul Tolotangga no profundidade kilómetru 72.
Laiha relatus ba vítima ka estragu ruma.

Iha 07 dezembru, provínsia indonézia Aceh atinji rai-nakdoko ho magnitude 6,5 eskala Richter ne’ebé provoka ema liu 100 maka mate.

SAPO TL ho Lusa

Deskonfia Taur Matan Ruak Involve PLP, Guntur Deskorda Deklarasaun Horta

DILI - Deskonfia Taur Matan Ruak neebe oras nee asumi kargu Nudar Prezidente Republika involve aan iha Partidu Libertasaun Popular (PLP), maibe lideransa PLP deskorda Informasaun nee seidauk los.

Tuir Eis Prezidente Republika Jose Ramos Horta katak tinan oin Xanana ho CNRT, Lu-olo no Alkatiri ho Fretilin, Taur Matan Ruak ho PLP nee laos segredu ona publiku hotu hatene ona.

Iha 2017 ita hatene kandidatu Boot tolu maun Xanana ho ninia CNRT, Lu-olo ho Alkatiri iha Fretilin, Taur Matan Ruak ho PLP nee laos segredu ona Partidu Libertasaun Povu nee Taur Matan Ruak nian,” dehan Horta ba Jornalita Kinta (29/12/2016) iha Palasiu Prezidensial Nicolao Lobato, hafoin Hafoin hasoru malu ho Prezidente Republika Taur Matan Ruak.

Nia hatete Figura tolu neebe mak iha boot, historiku ho kredibilidade tan nee bele fo konfiansa ba sira ho figura historiku neebe boot tebes, hodi fo kontribusaun makas iha dame no estabilidade.

Hatan ba Deklasaun nee Vice Prezidente Interinu PLP Sabino Guntur liu husi Via kontaktu deskorda deklarasaun eis Prezidente Republika Jose Ramos Horta, tamba oras nee Taur Matan Ruak sei asumi hela kargu nudar Xefi Estadu. Informasaun kompletu iha STL Jornal no STL Web, edisaun Sesta (30/12/2016). Timotio Gusmao

Suara Timor Lorosae

Estranjeiru Uza Visa Turista Sai Sidadania Timor

DILI - Governu liu husi Ministeiru Interior presiza kontrola ema estranjeiru neebe maka tama mai iha rai laran uja visa turista, tamba ema sira nee uja visa turista bele sai fali sidadania Timor oan.

Vise Prezidente Komisaun D (PN) neebe trata asuntu Ekonomia e Dezenvolvimentu, Domingos Carvalho de Araujo  sempre kestiona ema estranjeiru sira neebe maka mai iha rai laran ho visa turista, depois sai fali sidadania Timor oan no balu hola tan feto Timor oan sira iha rai laran.

Hau sempre kestiona ema estranjeiru sira neebe maka mai iha rai laran ho visa turista, depois sai tiha sidadania Timor oan, depois hola ona ita nia oan feto sira no bolu malu, mai nakonu iha Timor laran tomak, aban bain rua ita sei sai aburizin hela iha foho leten,” dehan deputadu Domingos ba STL, iha PN, Dili, Kinta (29/12/2016).

Reprezentante povu husi bankada CNRT nee mos sempre fo hanoin ba iha Ministeiru Interior konaba problema Imigrasaun, tamba ema bele koalia konaba ema estranjeiru, maibee Imigrasaun fraku, entaun ema nee tama firme, atu sai nian laiha.

Iha fatin hanesan membru PN husi Komisaun C, asuntu Finasas Publika, deputadu Cristovao Barros hatete, Ministeiru Interior liu husi Imigrasaun presiza hare ema estranjeiru neebe maka mai iha rai laran uja visa turista ka visa negosiu nian. Informasaun kompletu iha STL Jornal no STL Web, edisaun Sesta (30/12/2016). Carme Ximenes

Suara Timor Lorosae

Promulga OJE 2017, Tinan Elisaun Orsamentu Boot Demais

DILI - Orsamentu Jeral Estadu (OJE) 2017 hetan ona promulgasaun husi Prezidente Republika Taur Matan Ruak, maibe Eis Prezidente Republika Jose Ramos Horta konsidera orsamentu boot tebes tamba tinan oin tama elisaun zeral.

Tuir Eis Prezidente Republika Jose Ramos Horta katak kuandu iha konsensu husi Parlamentu neebe mai husi partidu boot sira konkorda Prezidente, maibe orsamentu ba 2017 boot demais.

Hau hare orsamentu ba 2017 boot demais liu-liu 2017 iha elisaun tamba mandate governu nian too deit iha iha juinu tan nee atu implementa no ejekuta orsamentu 2017,” dehan Horta ba Jornalista Kinta (29/12/2016) iha Palasiu Prezidensial Nicolao Lobato.

Prioridade neebe boot liu ba nasaun Tuir Horta katak prioridade liu mak edukasaun, saude, Agrikultura, Seguransa alimentar maske Estrada bobot sira importante, maibe nasaun kiik la presiza Estrada boot.

Iha fatin hanesan Primeiru Ministru Rui Maria de Araujo katak aproveita halao enkontru ho Prezidente Republika hodi agradese Prezidente, tamba promulga ona orsamentu jeral estadu 2017. Informasaun kompletu iha STL Jornal no STL Web, edisaun Sesta (30/12/2016). Timotio Gusmao

Suara Timor Lorosae

Horta Konsidera Pena Prizaun ba Madalena Hanjan Todan, Kazu Emilia Afeita Dignidade Estadu

DILI - Pena prizaun ba Eis Vice Ministra Saude Madalena Hanjam todan demais tamba Madalena nudar vice Ministra neebe laiha poder hodi foti desizaun, maibe Emilia Pires nia hahalok neebe ba rai liur la fila, bele afeita dignidade estadu Timor Leste iha mundu liu-liu G7+.

Tuir Eis Prezidente Republika Jose Ramos Horta katak Eis Vice Ministra Saude Madalena Hanjam nudar sidadaun respeita desizaun Tribunal, maibe dala ruma disizaun neebe mak iha todan demais tamba madalena nudar Vice Ministra laos Ministra Saude.

Madalena Hanjam Nudar Vice Ministra la simu osan no kontratu, kompania mos laos ninia neduni hetan pena prizaun efetiva tinan 4 nee demais hau husu tribunal rekursu atu sukat didiak tamba justisa tenki proposional,” dehan Horta ba Jornalista Kinta (29/12/2016) iha Palasiu Prezidenail Nicolao Lobato.

Nia hatete kazu Madalena Hanjam tuir lolos pena masimu suspensaun deit tamba Madalena asina deit neebe hetan ordem husi Ministru no Primeiru Ministru, tan nee tuir deit buat neebe mak Ministru no Primeiru Ministru haruka.

Horta hatete tan Timor Leste tenki hetan solusaun ba kazu Emilia no prosesu neebe mak iha seidauk remata, tamba sei ba iha Tribunal Rekursu maibe Emilia la fila tribunal hirus liu tan.

Antes nee Prezidente Republika Taur Matan Ruak katak, timor oan sira tenki fo konfiansa ba justisa tamba nee emilia nia subar iha fatin nee klot demais maibe emilia lahatete halai ba halo tratamentu saude. Informasaun kompletu iha STL Jornal no STL Web, edisaun Sesta (30/12/2016). Timotio Gusmao

Suara Timor Lorosae

TENTA HAKANEK MEMBRU POLISIA HO RAMA AMBON

Polisia Nasional Timor Leste detein joven ida iha sela Polisia Kaikoli iha Sabado 24/12) kalan tamba tenta tiru rama ambon ba membru polisia eskuadra Nain Feto iha Largo Bidau Lecidere, Díli.

Polisia kaptura autor ho evidensia rama ambon ne’ebe ninia prosesu dadaun nee submete ba desizaun Tribunal hodi haree ba tipu krime ne’ebe autor ne’e komete.

“Nia halo asaun ne’e tentativa para hakanek ou oho ita nia polisia, evidensia hotu-hotu iha kaptura kedas nia iha momentu ne’eba no prende rama ambon tolu iha suspeitu nia pasta laran ne’ebe tenta atu hasoru polisia,”informa Segundu Komandante Polisia Munisipiu Dili, Superintendenti Assistenti Polisia, Euclides Belo, ba Jornalista sira iha ninia knar fatin, Caicoli-Dili, Kuarta (28/12/2016).

Nia hatutan, sidadaun sé deit mak lori kroat polisia identifika autor ne’e sei lori ba prosesu, tanba evidensia ne’ebe mak sira lori ho intensaun atu halo asaun krimi ou atu hakanek ema ruma.

Nune’e, nia parte husu ba komunidade hotu atu hato’o informasaun liu husi liña kontaktu karik identifika pessoal balun ne’ebe lori sasan kroat, informa lalais ba polisia hodi kaptura no prende evidensia sira ne’e.

Euclides sublinha, hafoin polisia hala’o investigasaun durante 12 oras, kazu ne’e intrega kedas ba Ministeriu Publiku (MP) no autor ne’e detein hela iha sela polisia Caicoli, maibe nia parte rezeita fo sai autor ninia identidade.

Joven ida mate iha Becora kauza asalta malu

Iha oportunidade ne’e Segundu Komandante Polisia Munisipiu Dili, Superintendenti Assistenti Polisia, Euclides Bel hateten, kazu joven ida mate iha Suku Becora-Dili iha loron 21 Dezembro foin lalais ne’e kauza husi asalta malu entre jovens sira.

PNTL hala’o ona preeliminasaun iha fatin akontesimentu no rezultadu husi parte polisia nian identifika kauza ne’e mosu tanba kauza asalta malu entre joventude hodi hamate joven Aderito Soares.

“Kazu ida Becora iha Aldeia Haslaran kazu asalta malu ne’ebe rezulta sidadaun ida mate, nia prosedimentu prosesu la’o hela husi komando distritu dili parte investigasaun kriminal nian ba suspeitu sira,”afirma Euclides Belo.

Nia hatutan katak, husi prosesu ne’e polisia komando distritu dili kontinua buka tuir  suspeitu balun ne’ebe mak kontinua subar. Tanba ne’e husu ba parte familia ne’ebe mak sei kontinua subar suspeitu balun tenke kopera ho polisia hodi mai kumpri prosesu legal ne’ebe iha tuir lei.

“Tanba wainhira  kontinua subar parte polisia mak hetan ninia prosidementu oin seluk liutan, sira ne’ebe kontinua subar polisia kontinua buka tuir tanba iha ona mandadu kapturasaun,”tenik nia.

Maibe, tuir nia katak, polisia kaptura ona suspeitu nain 10 detein ona iha sela polisia entrega ona ba nain husi prosesu hotu Ministeriu Publiku (MP) no suspeitu nain sia lori ona Tribunal.

“Husi suspeitu nain 9 ita kaptura, ohin (horseik-red) ita kaptura tan suspeitu nain ida ho inisial ‘M’ agora detein hela iha sela polisia hodi kumpri 72 horas de tempu, depois mak foin lori ba tribunal,”esplika nia. Eus

Jornal Nacional

KOMUNIDADE HUSU XANANA BLACKLIST KOMPAÑIA LAIHA KUALIDADE

Komunidade Suku Camea, Postu Administrativu Cristo Rei, Munisípiu Díli, ejiji ba eis Primeiru Ministru, atual Ministru Planeamentu  Investimentu Estratéjiku (MPIE), Kay Rala Xanana Gusmão atu blacklist kompañia sira ne’ebé durante ne’e halo projetu ba Estadu laiha kualidade.

Komunidade José Ximenes husi Suku Camea dehan,  Dezenvolvimentu iha Timor ne’e, laiha kualidade, tanba falta kontrolu husi MOP ho ADN laiha, hodi halo Governu fakar osan saugati de’it.

“Kompañia sira ne’ebé halo projetu laiha kualidade, tanba sira uza fali rai henek hodi tau fali ba estrada. Ami ko’alia ona ho maun Xanana no husu ba nia atu hasai kedas, kompañia sira ne’ebé kaer projetu laiha kualidade,” katak José Ximenes ba Prezidenti Repúblika (PR), Taur Matan Ruak, bainhira Xefi Estadu ne’e halo dialogu komunitária ho povu iha Suku ne’e, Kinta (21/12).

Nia hatutan, ADN ho MOP bainhira ba halo kontrola ba projetu sira ne’e, sira nunka besik atu haree kualidade projetu ne’e, sira iha de’it kareta laran, tanba ta’uk rai rahun kona sira.

“ADN ho MOP, Sira hamrik dok mak fihir, liman tau ba bolsu liu fali Prezidenti,” lamenta nia.

Hatan ba preokupasaun ne’e, PR Taur Matan Ruak dehan, kualidade projetu ne’e iha problema bo’ot duni.

“Tebes duni, ita iha problema, i ha’u triste los, tanba ohin loron ita iha engeneiru barak, maibé buat hotu la dura, ita tenki iha hanoin katak, osan oituan ne’ebé mak ita iha, ita tenki uza ho di’ak,” dehan Taur Matan Ruak.

Xefi Estadu ne’e hatutan, ida ne’e problema ida ne’ebé liga ho Timor oan  nia mentalidade no domin ba nasaun.cos

Jornal Nacional

POVU LAMENTA, DEPUTADU SIRA IHA PN REPREZENTA DE’IT SIRA NIA FAMILIA

Povu lameta tebes ho sira nia reprezentante iha uma fukun Parlamentu Nasionál (PN), tanba tuir povu nia haree katak, durante ne’e deputadu sira nunka reprezenta sira iha PN.

Komunidade Pedro husi Suku Camea, Postu Administrativu Cristu Rei, Munisipiu Dili lamenta katak, durante ne’e deputadu sira reprezenta sira nia familia de’it iha Parlamentu Nasionál.

“Pensaun vitalisia ne’ebé mak tinan barak ona, ita seida’uk hetan solusaun. Tanba ne’e ha’u husu ba Prezidenti Repúblika katak, maluk sira ne’ebe tu’ur iha Parlamentu Nasionál ne’e, reprezenta povu ou reprezenta sira nia fen ho oan,” lamenta Pedro ba PR Taur Matan Ruak, bainhira Xefi Estadu ne’e dialogu ho komunidade ho povu iha Suku ne’e, Kinta (21/12).

Nia hatutan, deputadu sira iha Parlamentu Nasionál ne’e, hodi reprezenta povu atu defende povu nia halerik, maibé realidade lahatudu hanesan ne’e.

“Sira atu rona povu nia halerik, maibé sira tu’ur iha ne’eba ne’e, reprezenta sira nia fen oan de’it, tanba ne’e mak sira deside buat ida tuir sira nia hakarak de’it,” katak nia.

Hatan konaba preokupasaun ne’e, PR Taur Matan Ruak dehan, Pensaun Vitalisia ne’e,  preokupasaun ema hotu nian.

“Ha’u mós hakarak hamos, maibé Parlamentu Nasionál ne’e orgaun Estadu ida, Prezidenti Repúblika ne’e orgaun Estadu ida, Governu orgaun Estadu ida, ida ida ho nia funsaun, Preidenti Repúblika labele inpoint, maibé klaru tenki fó hanoin,” katak Taur Matan Ruak.

Xefi Estadu ne’e  hatutan, Parlamentu Nasionál hela de’it fulan 6  ona atu haree problema sira ne’e.

“Ita haree tok sira sei halo saida iha fulan hira ne’ebé se falta ne’e. hanesan lei rai, no anti korupsaun inklui mós pensaun vitalisia,” dehan Taur Matan Ruak.cos

Jornal Nacional

TINAN FOUN 2017, JOVENS LA BELE OHO MALU TAN

Hela deit loron tolu tama tinan foun 2017 no despede hela memoria iha tinan tuan 2016. Buat diak barak maka la’o iha 2016, maibe falun mos ho buat aat lubuk ida, liu-liu krimi organizadu no krimi humanidade akontese bei-beik iha tinan tuan. Iha fatin-fatin barak no iha sukun-sikun Dili laran ho Munisipiu sira sei akontese ema oho malu, juventude balun kontinua ‘hatudu isin besi ran manas’ ba malu.

Familia lubun wain sei tuur ho halerik no mata wen, tanba sira lakon sira nia oan, subrinho, no bei oan ne’ebé maka ema deskonhsidus sira oho.

Atu besik tama ona ksolok loron boot Natal deit mos sei mosu ran nakfakar ne’ebé rejulta joven ida mate iha area Becora nian tanba hetan asaltu husi grupu joventude balun.

Ho esperiensia ‘nakukun’ sira ne’e, Prezidenti Parlamentu Nasional, Aderito Hugo da Costa, husu ba povu tomak, liu-liu juventude sira atu hadok an husi violensia no la bele oho malu tan iha tinan foun 2017.

“Hau husu ba povu tomak no joven sira atu hakribi ona violensia, tendensia ida oho malu, sona malu, hau triste tebes wainhira rona ida ne’e, hein katak ita nia Polisia sira bele halo investigasaun klean tebes para atu notifika tendensia saida maka halo ema oho malu ne’e,” hateten Aderito Hugo iha PN, Tersa (27/12/2016).

Aderito Hugo admira tebes tanba oras ne’e ema hare oho malu ne’e simples teb – tebes, buat nebe povu ne’e infrenta iha tinan 24 nia laran liu ba ne’e demaizadu liu wainhira tenki kompara ho tempu uluk nian.

“Ita tenki agradese, apresia fo valor ba ita nia ukun an ida ne’e, se ita la fo valor se maka atu fo valor, se ita hatudu nafatin aktus krimi hanesan ne’e, hau lamenta teb – tebes, asiste akontesementu loron hirak mai ne’e iha Kapital Dili, lamenta tebes,” afirma Aderito Hugo.

Aderito Hugo fiar katak, molok tama ba tinan 2017 no iha eventu eleisaun jeral, krimi hirak ne’e elimina ona. Tanba ne’e, Polisia tenki halo investigasaun klean para depois haree autor sira ne’e lori ba prosesu. Nes

Jornal Nacional

VETERANUS MAK TERUS, EMA SELUK MAK GOZA PV

Veteranus sira la kontenti ho lei Pensaun Vitalisia (PV), tanba sira mak terus durante tinan 24 hodi liberta rai no povu Timor Leste, maibé to’o ikus ema seluk mak goza fali independensia ne’e.

Veteranu Funu Lakan, husi Suku Hera, Postu Administrativu Cristu Rei, ejiji Parlamentu Nasionál atu halakon tiha lei pensaun vitalisia ne’e.

“Ami veteranus sira sei moris terus no ki’ak hela, ami lahetan buat ida, ema balu mak hetan fali pensaun vitalisia. Ami husu ba Prezidenti Repúblika, konaba lei vitalisia, tanba ami haree katak, vitalisia ne’e, habokur grupu oan ida de’it,” katak veteranu Funu Lakan, ba PR Taur Matan Ruak, liu husi dialogu komunitária Xefi Estadu ne’e nian iha Suku Hera, Tersa (20/12).

Alende ne’e, nia mós husu ba PR Taur Matan Ruak katak, aban bainrua tama iha vida polítika karik, tenki tau matan ba povu tomak iha Timor Leste.

“Prezidenti Repúblika rasik  dehan, ita bo’ot gosta polítika, tanba ne’e, ami husu se aban bainrua tama polítika karik, tanki tau matan ba povu Timor Leste tomak,” relata veteranu ne’e.

Hatan konaba preokupasaun ne’e, PR Taur Matan Ruak dehan, pensaun vitalisia ne’e, maioria iha Timor larna ne’e, hakarak ko’a tiha, maibé Parlamentu Nasionál iha nia pozisaun, no Governu mós iha nia pozisaun, i Prezidenti respeita sira.

“Ita labele obriga orgaun Estadu ida atu tuir ita nia hakarak,” katak Xefi Estadu ne’e.

Konaba vida polítika, Taur Matan Ruak rekuñese katak, nia gosta duni polítika, maske foin mak primeiraves nia tama iha polítika.

“Ha’u nia vida mai polítika ne’e, foin mak primeiraves, maibé ha’u gosta fali polítika, tanba ne’e ha’u sei mate ho polítika. Ita labele so’e hela ita nia rai, tanba ita hotu terus, buat ne’ebé ita seida’uk halo, ita sei halo hamutuk, imi konta ho ha’u nia apoiu,” dehan Xefi Estadu ne’e.cos

Jornal Nacional

Prezidente Timor-Leste promulga Orsamentu Estadu ba 2017

Prezidente Repúblika Timor-Leste, Taur Matan Ruak, iha horisehik  promulga Orsamentu Jerál Estadu (OGE) ba 2017, akompaña ho mensajen ida ba  parlamentu, informa prezidénsia timoroan iha komunikadu.

Iha  mensajen ba deputadu sira, xefe Estadu fó hanoin " avizu ne’ebé halo ona durante tinan barak relasiona ba nesesidade  atu  garante sustentabilidade ba (...) dezenvolvimentu ekonómiku" Timor-Leste nian.

"Sei lamantein posobilidade ita nia dezenvolvimentu bazeia deit ba realizasaun despeza públika ne’ebé finansia hosi Fundu Petrolíferu", alerta prezidente.

Taur Matan Ruak, ne’ebé veta Orsamentu ba 2016, husu ona iha setembru, liuhosi diskursu iha  parlamentu, OGE ida ba 2017 tenki "prudente no responsável", reflete ba inserteza hosi rikeza petrolífera Tasi Timor nian.

Xefe Estadu konsidera moos iha mensajen ne’ebé haruka ba parlamentu katak  atu dada  investimentu estranjeiru importante liu maka"investe iha edukasaun (...), ba  estabilidade iha setór justisa ho hadi’a kondisaun vida sidadaun nian" duké "ba mega infraestrutura".

Alerta moos ba " nesesidade ho rigor liu tan iha konta públika (...),garante kualidade investimentu públiku, hanesan moos garante likidés iha ekonomia ba  pagamentu kompromissu Estadu nian, razaun hosi  OGE  retifikativu 2016", refere komunikadu ne’e.

OGE Timor-Leste ba 2017 hetan aprovadu hosi parlamentu, ho  unanimidade, iha 09 dezembru no prevé gastu dólar millaun rihun 1,39, kiik liu  dezde 2010, no reseita ho millaun rihun  1,41.

Iha tempu ne’ebá aprova moos Orsamentu Seguransa Sosiál dahuluk, ne’ebé  permite arranke, badahuluk  iha 01 janeiru 2017, Rejime Kontributivu Seguransa Sosiál Timor-Leste.

SAPO TL ho Lusa

Fórum Makau ho "atitude nakloke" ba adezaun Saun Tomé no Prínsipe

Fórum ba Kooperasaun Ekonómiku no Komersiál entre Xina no Nasaun Lia-Portugés (Fórum Makau) iha "atitude nakloke" na entrada Saun Tomé no Prínsipe, ne’ebé  estabelese fila fali iha semana relasaun diplomátiku ho Pekin.

"Saun Tomé no Prínsipe hanesan  membru familia hosi  luzofonia, tanba  Sekretariadu Permanente iha atitude ida nakloke relasiona ba ninia  participasaun iha Fórum Makau. Karik  parte santomense aprezenta pedidu, Sekretariadu Permanente disponível atu  submete ba nasaun  partisipante sira iha  Fórum hodi halo diskusaun", haktuir iha ohin ba Lusa Gabinete Apoiu ba Sekretariadu Permanente Fórum Makau nian.

Iha loron  20 fulan ne’e, Saun Tomé no Prínsipe hakotu  relasaun  diplomátiku ho Taiwan no resoñese Repúblika Popular Xina. Hafoin loron neen, iha segunda-feira, Xina anunsia restabelesimentu relasaun  diplomátiku ho nasaun ne’ebá.

Saun Tomé no Prínsipe, to’o  agora, esklui hosi  Fórum Makau tanba relasaun ho Taiwan.

Harii iha 2003 hosi Pekin, Fórum Makau iha  Sekretariadu Permanente no reúne iha nível ministeriál kada tinan tolu.

Iha Konferénsia Ministeriál, iha  outubru, laiha kualkér reprezentante hois Saun Tomé, maski ne’e partisipa hanesan  observadór iha  reuniaun Fórum no 2013 haruka ona, badahuluk, reprezentante ida ho kategoria ministru.

Saun Tomé no Prínsipe suspende relasaun ho Pekin iha 1997, rekoñese Taiwan. Tanba ne’e, prezidente Manuel Pinto da Costa vizita Xina pelumenus okazaun rua.

Pekin konsidera Taiwan provínsia xineza ida no defende "reunifikasaun  pasífiku", maibé ameasa "uza forsa" karik  illa ne’e deklara independénsia.

Taiwan,  illa ne’ebé  refujiu  antigu governu xinés hafoin  Partido Comunista (PCC) kaer  poder iha  kontinente ne’ebá,iha 1949, assume hanesan  Repúblika  Xina.

Pekin no Taipé afirma katak só iha  Xina ida deit.

Bainhira  São Tomé deside rekoñese Taiwan, illa ida hosi haat "tigre aziátiku", iha Koreia do Sul, Hong Kong no Singapura nia sorin.

Apoiu liuhosi ekonomia ne’ebé forte, Taiwan investe osan barak  iha  espansaun ninia espasu polítiku internasionál.

Tanba ne’e, Repúblika Popular Xina sai  ekonomia mundiál boot liu, ho rezerva kambiál boot liu iha planeta, ho valár dólar billaun 3,44.

SAPO TL ho Lusa

Obama prepara sansaun hasoru Rússia tanba alega halo interferénsia iha prezidensiál

Estadus Unidus prepara hela sansaun ekonómiku foun no diplomátiku kontra Rúsia tanba alega interferénsia hosi Kremlin iha eleisaun prezidensiál norte-amerikanu, informa kuarta-feira orgaun komunikasaun sosiál oioin. 

Tuir “The Washington Post”, administrasaun Prezidente sesante Barack Obama konkretiza detalle sira hosi sansaun, ne’ebé hakarak implementa molok nia mandatu remata iha 20 janeiru no sei anunsia iha semana ne’e.

Administrasaun Barack Obama moos hakrak “proteje” sansaun sira atu Donald Trump labele fila sira ho fásil. Aleinde sansaun ekonómiku no diplomátiku, resposta Washington nian ba Moskovu inklui posibilidade boot ba operasaun informátika enkobertu, tuir CNN.

Ajénsia informasaun oioin hosi norte-amerikana aseita akuzasaun katak Moskovu interfere iha eleisaun prezidensiál loron 08 novembru ho atake informátiku ba Patido Democrata no kampaña Hillary Clinton hodi ajuda eleisaun ba Donald Trump, ne’ebé anunsia mudansa rumu ida maka’as iha relasaun atuál ho Kremlin.

Rússia anunsia ona katak Washington adopta medida inimigu foun “ninia resposta” no aksaun kontra diplomata russu iha Estadu Unidus sei iha “impaktu direta” ba diplomata norte-amerikanu iha Rúsia.

Washington hamonu hamonu sansaun iha 2014 kontra Rússia tanba aneksaun peninsula hosi Krime no apoiu Kremlin nian ba rebelde ne’ebé kombate iha leste Ukrania.

SAPO TL ho Lusa 

Manobras de porta-aviões chinês no Pacífico visaram "dissuadir forças independentistas de Taiwan"

Pequim, 29 dez (Lusa) - O ministério da Defesa chinês admitiu hoje que manobras realizadas no Pacífico pelo porta-aviões Liaoning, que passou por águas próximas de Taiwan, visaram "dissuadir as forças independentistas taiwanesas".

O porta-voz do ministério Yang Yujun disse que as manobras foram um exercício "de rotina", que visaram também "melhorar a capacidade de dissuadir as forças independentistas taiwanesas e salvaguardar a soberania da China".

Yang não deu detalhes sobre o exercício, um dos primeiros em águas internacionais realizado pelo porta-aviões chinês, mas assegurou que "decorreram de acordo com o planeado".

Pequim criticou por várias vezes as incursões desenvolvidas por porta-aviões norte-americanos nas águas do Mar do Sul da China, que reclama quase na totalidade, apesar dos protestos dos países vizinhos.

"Respeitamos a liberdade de navegação dos países, feita de acordo com a lei, mas opomo-nos ao abuso desse direito por parte de algumas nações, com o fim de colocar em risco os nossos interesses legítimos e segurança", afirmou Yang.

O Liaoning, o único porta-aviões chinês, passou na segunda-feira a sudeste das ilhas Dongsha, administradas por Taiwan e reclamadas por Pequim, levando o exército da ilha a lançar missões de reconhecimento.

Pequim considera Taiwan uma província chinesa e ameaça com o "uso da força", caso o território declare independência.

A ilha onde se refugiou o antigo governo chinês depois de o Partido Comunista (PCC) tomar o poder no continente, em 1949, assume-se como República da China.

JOYP // JMR

Jornalistas de Macau vão pedir em Lisboa carteira profissional portuguesa

Macau, China, 29 dez (Lusa) -- A Associação de Imprensa em Português e Inglês de Macau (AIPIM) defende a emissão de carteiras profissionais portuguesas para jornalistas no território e vai levar o tema ao Congresso dos Jornalistas que se realiza em janeiro em Lisboa.

O objetivo da moção que será apresentada ao congresso, disse à agência Lusa o vice-presidente da direção da AIPIM, Gilberto Lopes, é "encontrar uma via de diálogo que possa permitir que a Comissão da Carteira Profissional de Jornalistas (CCPJ) venha a admitir a possibilidade de voltar a emitir carteiras [para Macau]".

Além de os portugueses que iniciam a profissão de jornalista em Macau não terem acesso à carteira profissional através dos órgãos de comunicação locais, Gilberto Lopes deu ainda o exemplo dos jornalistas que exerciam a profissão em Portugal e vão trabalhar na região chinesa, que podem ter o problema na renovação do seu título profissional.

O vice-presidente da AIPIM reconhece que "os argumentos apresentados pela CCP são válidos, isto é, a Comissão (CCPJ) não emite carteiras para fora do território português", mas diz que "vai apelar ao facto de Macau ter uma realidade específica".

"Se eu exercer a profissão na Rádio Alfa em Paris posso provavelmente ter a carteira do sindicato profissional francês. Em Macau, não havendo nenhuma instituição [que emita um título], eu não consigo ter nenhuma carteira profissional", sublinhou Gilberto Lopes.

O também chefe do canal em língua portuguesa da Rádio Macau chamou a atenção para o "vazio" na Lei de Imprensa em Macau, em vigor desde os anos 1990.

"Penso que uma carteira profissional em Macau era fundamental, primeiro porque era necessário acreditar os profissionais", disse.

Gilberto Lopes alertou para a inexistência de um código deontológico ou estatuto de jornalista, documentos que a AIPIM deverá aprovar "em breve" e que em princípio serão seguidos nas redações em língua portuguesa e inglesa de Macau, mas não que não são vinculativos por não terem força de lei na região.

No 4.º Congresso de Jornalistas, agendado para Lisboa, de 12 a 15 de janeiro, o vice-presidente da AIPIM vai ainda apresentar um retrato da comunicação social em língua portuguesa e inglesa em Macau.

"Há hoje uma forte componente profissional, de jornalistas e de pessoas ligadas à comunicação social, que ultrapassa as 100 pessoas, o que é de facto um contingente grande. (...) Eu diria que os jornalistas e o público em geral em Portugal não têm noção do que hoje se faz em português em Macau", afirmou.

Além de Gilberto Lopes, a AIPIM far-se-á representar no congresso pela jornalista Luciana Leitão.

FV // SB