sexta-feira, 28 de abril de 2017

Akademika Konsidera PN Laiha Koinesementu PTR Eleitu Nee Lalos

DILI – Sosiedade akademika sonsidera Parlamentu Nasional (PN) laiha koinesementu Prezidente eleitu Tribunal Rekursu (PTR), Deolindo dos Santos neebe simu pose husi Prezidente Republika (PR) nee lalos.

Tuir Dekanu Fakuldade Direitu-UNDIL, Justino Sopalo katak, maske Prezidente Republika (PR) mak fo pose ba Prezidente eleitu Tribunal Rekursu (PTR) maibe parlamentu tenke hatene.

Sira tenke hatene labele sira dehan ami lahatene, prezidente deit mak hatene nee lalos,” dehan Dekanu Fakuldade Direitu-UNDIL, Justino ba jornalista sira iha Hotel Timor-Dili, Sesta (28/04/2017).

Dekanu nee haktuir, PN reprezenta povu hodi tur iha neeba, halo lei no sira mak tenke hatene lolos katak prezidente nia papel hanesan nee ladun los. Agora los ou lalos PN tenke hatoo xamada atensaun ba prezidente.

Iha fatin hanesan, Diretor Ezekutivu JSMP, Jose Luis Sampaio dehan, troka Prezidente Tribunal Rekursu (PTR) nee kompetensia ezklusivu Prezidente Republika ninia. Raimundo S. Fraga

Suara Timor Lorosae

PN-Governu La Partisipa Pose PTR-PJR

DILI – Membru Parlamentu Nasional no Primeiru Ministru la partisipa iha tomada de pose Prezidente Tribunal Rekursu foun no estende mandatu Prokuradoria Jeral Republika, neebe dereitamente simu pose husi Prezidenti Republika Taur Matan Ruak iha Palacio Prezidenti Nicolao Lobato Aitarak Laran, Sesta (28/04/2017).

Prezidenti Republika Taur Matan Ruak Sesta (28/04/2017) ofisialmente fo tomada de pose ba Prezidenti Tribunal Rekursu foun Juiz Deolindo dos Santos, hodi subtitui PTR sesante Guilermino da Silva ho mandatu husi 2017 ate 2022, alende nee Prezidenti Republika mos kontinua extende Prokurador Jeral Republika Jose Ximenes, liu husi tomada de pose ho mandatu 2017 ate 2021.

Marka prezensa iha seremonia tomada de pose nee, Ministru Admistrasaun Estatal Dionisio Babo, Ministru Justica Ivo Valenti, Maior Jeneral Falintil–FDTL Major Jeneral Lere Anan Timur, Komandante Jeral PNTL Komisariu Polisia Julio Hornay, Ministeiru Publiku, Juis no konvidadus seluk, maibe la marka prezensa iha seremonia nee mak Membru no estrutura husi Parlamentu Nasional (PN) inklui Primeiru Ministru Rui Maria de Araujo.

Xanana Gusmão Husu Labele Bosok Povu

DILI, (TATOLI) – Kay Rala Xanana Gusmão nu’udar Prezidente partidu Congresu Nasionál Rekonstrusaun Timor (CNRT) husu ba militante, simpatizante no kuadru partidu atu labele bosok povu tanba ohin loron sira nia konsénsia maduru ona iha polítika.

“Ha’u atu la bele bosok tanba povu ohin loron hatudu ona nia konsénsia, sira la-haree ona ba númeru partidu polítiku ne’ebé mosu bar-barak, maibé sira haree liu ba kualidade hanoin no organizasaun hosi partidu”, afirma Xanana iha nia diskursu abertura kongresu datoluk CNRT iha Sentru Konvesaun Dili, sesta, (28/4).

 Tanba povu nia matenek fihir partidu polítiku, Xanana husu atu CNRT konsolida-án servi di’ak liutan agora no ba oin.

Konsilidasaun, nia afirma, la’ós atu buka aumenta númeru simpatizante ho militante maibe hakas-án aumenta kapasidade partidu hodi hatene realidade moris Estadu no Nasaun. La’ós fiar no tabele de’it ba relatòriu Internasionál ne’ebé uza sasukat hanesan de’it hodi sukat nasaun hotu nia dezenvolvimentu la-haree ba kondisaun real ida loloos.

Governu ‘Aprova’ Lisensa Konstrusaun Timor Fortuna

DILI, (TATOLI) - Governu liuhusi enkontru Konsellu-Ministru iha loron 25 Abríl 2017 fó ona lisensa investidór nian ba Li Tjien Development ba konstrusaun Timor Fortuna Sentrál Plaza.

Iha portál ofisiál Governu Timor-Leste nian katak investimentu ne’e besik millaun dólar 70, ho konkluzaun ne’ebé prevee ba tinan 2020.

“Durante hala’o konstrusaun, projetu ne’e sei kria postu serbisu nian 1200 resin, sei iha postu serbisu nian ne’ebé fiksu besik rihun 4”, refere komunikadu ne’e.

Projetu ne’e aprezenta husi Ministru Koordenadór ba Assuntu Ekonómiku no Ministru Agrikultura no Peskas, Estanislau Aleixo da Silva hamutuk ho empreza, ne’ebé iha ona empriendimentu oioin iha nasaun ne’e.

Timor Fortuna Sentrál Plaza sei iha torre rua ho apartamentu, loja, eskritóriu, fatin divertimentu nian no fatin para transporte nian, no sei harii iha Avenida Nicolau Lobato.

Governu hamutuk ho empreza Li Tjien Development S.A no  xineza Guangxi International Construction Engineering lansa tiha ona fatuk dahuluk iha loron 16 janeiru 2017 liubá. (Jornalista: Maria Auxiliadora | Editora: Rita Almeida)

Foto: Imajen Timor Fortuna Sentrál Plaza. Foto Espesiál

Tenke Tane Aas Feto, Labele Uza ID Falsu Insulta

DILI - Ema hotu moris husi feto, tanba nee, tenke tane aas no tau valor ba inan feton sira, labele uza ID falsu insulta feto, hodi hatun feto sira nia diqnidade iha media sosial.

Lamentasaun nee hatoo husi xefi suku Caicoli, Hipolito Marques, hatete, ema hotu moris husi inan feton sira, tanba nee, labele hatun no insulta feto sira iha media sosial, liu-liu ema sira neebe mak gosta uza ID falsu, hodi bele hatun feto sira no sira uza lianfuan neebe mak la merese atu fo sai.

Hau sente ami hanesan autoridade local ninia haree konaba kestaun ida nee ladun diak, tanba nee, ami husu ba ita nia governu, para atu bele haree asuntu ida nee, liu-liu atu bele kontrola  iha media sosial, bainhira iha lei ruma fo dalan mai ami, ami bele haree kestaun ida nee, maibe  ida nee kompetensia ita nia governu para atu bele haree asuntu ida nee,” dehan Hipolito ba  STL bainhira partisipa iha enkontru ba preparasaun 20 de Maio iha edifisiu administrasaun Munisipiu Dili, Kinta (27/04/2017).

Estudante Universitariu Tenke Dezenvolve Tetun

DILI – Lian tetun sai hanesan lian ofisial iha Timor Leste (TL), tanba nee husu ba estudante sira iha universitariu, atu bele dezenvolve diak liu tan tetun iha futuru.

Tuir Francisco Mariano dos Santos, hanesan dosente lian tetun iha UNTL katak, tetun nee sai hanesan lian ofisial, ho razaun ema ida-idak presiza tau nia aan iha nasaun, para bele dezenvolve diak liu tan lian tetun.

Tanba tetun nee obrigatoriu, se karik ema ida-ida mak iha hanoin diak ona, para atu bele koalia tetun ho diak, tuir tetun padraun nasional neebe mak dezenvolve ona, agora livru tetun nee too ona iha baze, espera katak, livre tetun nee rasik sei mai too iha universidade,” hatete Francisco ba STL hafoin partisipa iha seminariu diskusaun meza redonda demokiratizasaun iha salaun MSS Caicoli, Dili, Kinta (27/04/2017).

EUA-KN FUNU, TL SEI EVAKUA NIA TRABALLADOR HUSI KS

Sekretariu Estadu Politika Formasaun Profisional no Empregu (SEPFOPE), Ilidio da Costa Ximenes, informa, Korea do Norte (KN) ho Estados Unidos da America (EUA) funu ona,  Estadu Timor-Leste sei evakua timor oan nebe servisu Korea do Sul.

 “Situasaun iha rai ne’eba diak hela, mas kuandu akontese buat ruma Governu Koreano sira sei hato’o mai Governu Timor-Leste hodi evakua ita nia ema sira husi ne’eba,”hatete Ilidio da Costa Ximenes ba jornalista sira iha  Delta Nova, Comoro-Dili, Kinta (27/4/2017), relasiona tensaun politika iha Korea ho EUA.

Maske nune’e, tuir Ilidio da Costa Ximenes, katak, oras ne’e dadauk, EUA ho KN foin lansa ameasa ba malu, seidauk funu nuklear ne’ebé sira iha.

Ilidio afirma, situasaun refere hanesan ameasa deit, tanba ne’e familia no inan aman husi traballador sira ne’ebé iha Korea do Sul lalikan tauk.

PN husu empregador labele uza traballador ba hetan benefísiu, Salariu mínimu la relevante ona

Parlamentu Nasionál (PN), husu ba empregadores hotu iha Timor-Leste labele emprega traballador hodi uza sira-nia koñesimentu ba kompañia ba hetan benefisiu.

Prezidenti Komisaun A, ne’ebé trata asuntu leis no poder lokal, Carmelita Moniz dehan, empregador sira tenki halo avaliasaun ba traballador sira nia servisu kada fulan nen ka tinan ida, liu-liu hodi haree sira-nia direitu.

“Iha loron traballadores mundial, ha’u husu ba empregador sira para labele utiliza ema nia des-koñesimentu ba sira-nia benefisiu, se traballadores Timor oan sira mai servisu lahatene kontratu, ita aproveita fali sira nia koñesimentu, ne’e ladiak,”dehan Carmelita Moniz husi bankada CNRT ba jornalista sira iha PN, Kinta (27/04) iha seminariu komemorasaun loron mundial trabalhador sira nian, loron 1 fulan Maiu.

Deputada bankada CNRT nee husu ba empregador sira atu kompriende didi’ak traballador sira, no sindikatu sira mós tenki haree didi’ak traballador sira, tanba sindikatu sira mak haree liu-liu ba interese traballador sira.

Labarik 17 Identifikadu Moris Ho Virus HIV

Labarik ho idade tinan 5 mai kraik nain 17 identifikadu moris ona ho Human Immunodeficiency Virus (HIV) tuir dadus Ministerio Saude tinan 2016.

Responsavel Programa HIV/SIDA iha Ministerio Saude, doutor Frederico Bosco hateten iha tinan 2014 governu dezenvolve ona politika ida atu prevene transmisaun HIV husi inan ba oan (PMTCT), tanba komesa mosu.

Nia dehan, intervensaun ne’ebe ministerio halo mak kada inan isin rua ne’ebe konsulta iha fasilidade saude obrigatoriu halo teste HIV, sipilis no hepatitis atu konfirma sira nia nia status saude.

“Bainhira inan isin rua ne’ebe identifika positive husi moras infeksaun ne’e liu–liu HIV, ita halo tratamentu no kontrola rutina ba sira atu oan sai mai karik livre husi virus ida ne’e,” nia hateten iha kampanha prevensaun HIV/SIDA iha salaun Ministerio Interior, Dili.

KOICA Apoia $6.4 Miloens Ba Programa Fahe Aimoruk Massal

Ministerio Saude simu apoia osan $6.4 miloens husi Kooperasaun Agensia Internasional Korean (KOICA) hodi implementa programa fahe aimoruk Diethylcarbamazine no Albendazole ba komunidades iha teritorio tomak durante tinan 2016-2021.

Iha tinan 2015, governu lansa programa fahe aimoruk massal kona ba moras ain potis (lymphatic filariasis) nian ba komunidades, ho objetivu atu hapara transmisaun moras ida ne’e no prevene desfilidade ba ema ne’ebe sofre moras ne’e no elemina infesaun lumbringa husi rai.   

Diretor Jeral Kooperasaun Ministerio Saude, Narcisio Fernandes hateten moras tropical abandonado hanesan lepra, ain potis no frambusia sai problema no ameasadu ba saude publiku iha Timor –Leste tanba moras hirak ne’e afeta hela komunidade sira.

CNRT Labele Hanesan FRETILIN

DILI – Partidu Congresso Nacional Reconstrução Timorense (CNRT) sei halao terseiru kongresu nasional partidu, durante loron tolu hahu husi 28 too 30. Tema jeral kongresu nee mak “konsolida partidu hodi servi nasaun diak liu”.

Relasiona kongresu nee, Diretor Ezekutivu Asosiasaun Hak, Manuel Monteiro hatete, kongresu nee nudar desizaun aas liu iha partidu ida, tenke deskute estatuta, programa no militante sira presiza hatene vizaun, misaun, ideolojia no programa partidu.

Ajenda segundu mak atu deskute sira nia lideransa atual nee sei relevansia ka lae, pois hakat ba eleisaun nee labele mai fali hanesan Fretilin ninian konaba pakote ida deit kompete ho surat tahan mamuk,” dehan Diretor Ezekutivu Hak, Manuel ba STL iha nia knar fatin, Farol-Dili, Kinta (27/04/2017).

Husu konaba Prezidente Partidu CNRT nafatin, Kay Rala Xanana Gusmão, nia hatan, CNRT mak Xanana tanba nee mak nafatin. Hanesan partidu lolos nee ema hothotu iha responsabilidade liliu membru.

Iha fatin ketak, Observador Politika-UNTL, Camilo Ximenes Almeida dehan, partidu CNRT nudar partidu boot tanba iha figura Xanana neebe diak liu iha Timor Leste. Raimundo S. Fraga

Suara Timor Lorosae

Labele Uza 112 Fo Informasaun Falsu

DILI - Komandu Polisia Nasional Timor-Leste (PNTL) husu ba komunidade sira labele uza lina kontaktu Polsia emerjensia 112 hodi tolok no fo informasaun falsu.

Komandante Operasaun Nasional, Superientendente Xefe Polisia, Henrique da Costa husu ba komunidade sira diak liu uza telephone 112 fo informasaun neebe presiza tulun polisia, laos uza fali lina 112 hodi fo informasaun falsu polisia ka uza hodi tolok fali polisia nee lalos.

Ita nia maluk ka ita nia komunidade sira neebe uza telefone uza lina 112 enves de fo informasaun neebe presiza tulun polisia. Maibe, uza fali lina 112 hodi fo informasaun falsu no tolok polisia nee lalaos,” katak Henrique.

quinta-feira, 27 de abril de 2017

Governo timorense quer ampliar votação de cidadãos no estrangeiro

Díli, 26 abr (Lusa) - O Governo timorense quer alargar aos emigrantes residentes na Coreia do Sul e no Reino Unido a possibilidade de votar nas próximas eleições legislativas, ampliando uma opção facultada a residentes em Portugal e na Austrália nas recentes presidenciais.

O assunto foi debatido na terça-feira em Conselho de Ministros que aprovou uma resolução de "atualização do recenseamento eleitoral no estrangeiro para a próxima eleição parlamentar", como refere um comunicado de hoje do executivo.

Antes das operações de recenseamento, o Secretariado Técnico da Administração Eleitoral (STAE) vai promover uma campanha de divulgação pública, que "inclui a distribuição de informação sobre o recenseamento eleitoral no estrangeiro" destinado às comunidades timorenses.

Música, cinema e debates na Semana da Língua Portuguesa em Timor-Leste

Um concerto em homenagem do cante alentejano, debates e uma mostra documental de países lusófonos são alguns dos destaques da Semana da Língua Portuguesa, que começa a 02 de maio, em Díli.

A semana, organizada em conjunto pela Embaixada de Portugal em Díli e pelo Camões - Instituto da Cooperação e da Língua, arranca com a inauguração de uma exposição sobre a história da língua portuguesa, na Universidade Nacional de Timor Lorosa´e (UNTL).

A mostra, que pretende destacar o lugar que a língua portuguesa ocupa no mundo, está direcionada em particular para o público escolar e deverá depois visitar outros estabelecimentos de ensino em Timor-Leste.

No dia 03 de maio está prevista a realização de um seminário subordinado ao tema "Criar, Educar e Inovar em Língua Portuguesa", com especialistas que vão analisar temas da área do ensino e da sociedade civil.

A 04 de maio, Díli acolhe um concerto em homenagem do cante alentejano, património imaterial da humanidade, com a dupla Bernardo Espinho e António Caixeiro.

No âmbito do programa da Semana da Língua Portuguesa, a Escola Portuguesa Ruy Cinatti promove um conjunto de atividades que se inserem também nas comemorações do 15º aniversário deste estabelecimento de ensino.

Está ainda prevista a apresentação do "Novo Atlas da Língua Portuguesa", da autoria do reitor do ISCTE - Instituto Universitário da Lisboa, Luís Antero Reto, projeto apoiado pelo Camões e pelo Ministério dos Negócios Estrangeiros português.

Do programa faz ainda parte a exibição dos documentários da Série DOC Tv CPLP (Comunidade dos Países de Língua Portuguesa), com o título "A Nossa Língua", coproduzidos com o apoio da CPLP, no âmbito do 1º Programa de fomento à produção e teledifusão de documentários da Comunidade dos Países de Língua Portuguesa.

Neste caso, os documentários começam a ser transmitidos a 06 de maio, com a mostra a decorrer nas oito semanas seguintes.

Durante a semana da língua, a delegação da Agência para o Investimento e Comércio Externo de Portugal (AICEP) em Timor-Leste promove uma mostra de produtos portugueses sob o tema "Venha conhecer os sabores e a gastronomia de Portugal".

ASP // EJ | Sapo 24

Angola, Mosambike ho Guiné Ekuatorial tuun iha Índise ba Liberdade Imprensa nian

Angola, Mosambike ho Guiné Ekuatorial tuun iha klasifikasaun ne'ebé halo hosi organizasaun Reporters Sans Frontières (RSF) kona-ba liberdade imprensa nian iha mundu, bainhira Cabo Verde, Guiné Bissau ho Timor-Leste aumenta.

Tuir relatóriu ne'ebé halo tinan-tinan hosi organizasaun no fó sai iha loron-kuarta ne'e, dezempeñu aat liu entre membru sira hosi Komunidade Nasaun sira Lian Portugeza nian (CPLP) maka hosi Guiné Ekuatorial, ne'ebé tuun pozisaun tolu, ba 171, iha tinan nasaun 10 hosi nasaun 180 ne'ebé hetan avaliasaun hosi teritóriu ne'e - ne'ebé la inklui São Tomé e Prínsipe.

Nasaun mantén iha rejimi autoritáriu hosi Teodoro Obiang Nguema, ne'ebé eleitu fali iha Abril tinan 2016 ba mandatu prezidensial dalima ba tinan hitu, nune'e reflete iha dalan oinsá komunikasaun sosial hetan influénsia, refere iha dokumentu ne'e.

PR timoroan promulga lei pensaun vitalísia maibé kontesta diploma iha karta ba parlamentu

Prezidente Repúblika timoroan promulga iha loron-kuarta ne'e diploma ida mudansa nian ba pensaun vitalísia hosi eis-deputadu sira no eis-titular sira hosi kargu públiku sira seluk, repete nia kontestasaun ba lei iha mensajen ba Parlamentu Nasional.

Taur Matan Ruak aprova ona diploma hafoin Tribunal Rekursu la ko'alia kona-ba nia inkonstitusionalidade, maibé husik krítika maka'as ba lei ida ne'ebé sai hanesan reforma lejislativu ida polémiku liu iha tinan ikus ne'e iha Timor-Leste.

Iha mensajen ba Parlamentu Nasional, ne'ebé akompaña promulgasaun diploma nian, Taur Matan Ruak explika katak la konkorda nafatin ho ezisténsia hosi benefísiu ne'e ba eis-titular sira hosi kargu públiku nian no afirma katak lakohi hetan pensaun vitalísia bainhira hakotu nia mandatu, ne'ebé hotu iha 19 fulan-Maiu oinmai.

Governu: Malária besik lakon ona iha Timor-Leste

Timor-Leste selebra iha loron-tersa ne'e Loron Internasional Malária nian hodi hanoin hikas katak moras ne'ebé iha tinan sanulu liubá halo ema na'in 58 mate, ho kazu rihun 223 resin, iha tinan 2016 rejista de'it ema na'in 95 lahó vítima ida mate, haktuir hosi informasaun Governu nian.

Tuir Governu timoroan, informasaun sira hatudu susesu hosi polítika sira hosi Programa Nasional ba Kontrolu Malária nian (PNCM), moras ne'ebé iha tinan 10 liubá hanesan problema prinsipal hosi saúde públika iha Timor-Leste.

Tuir ezekutivu, susesu ne'e permiti Timor-Leste liu ona hosi "faze kontrolu" ba moras ne'e ba "faze eliminasaun nian", hodi permiti hahú, liuhosi Ministériu Saúde, Planu Nasional Estratéjiku hodi Halakon Malária 2017-2021.

Governu timoroan hakarak aumenta votasaun hosi sidadaun sira iha estranjeiru

Governu timoroan hakarak aumenta ba emigrante sira ne'ebé hela iha Koreia-Súl no iha Reinu Unidu posibilidade hodi vota iha eleisaun lejislativu tuirmai, hodi aumenta opsaun ida ne'ebé fó ba rezidente sira iha Portugal no iha Austrália iha prezidensial sira foin lalais ne'e.

Asuntu ne'e debate iha loron-tersa iha Konsellu Ministru sira ne'ebé aprova ona rezolusaun ida hosi "atualizasaun ba resenseamentu eleitoral iha estranjeiru ba eleisaun parlamentu tuirmai", hanesan refere iha komunikadu ne'ebé fó sai hosi ezekutivu iha loron-kuarta ne'e.

Antes hosi operasaun sira resenseamentu nian, Sekretáriu Tékniku hosi Administrasaun Eleitoral (STAE) nian sei promove kampaña ida ba divulgasaun públika nian, ne'ebé "inklui fahe informasaun kona-ba resenseamentu eleitoral iha estranjeiru" ne'ebé destina ba komunidade timoroan sira.

quarta-feira, 26 de abril de 2017

POLIMIKA NOMEISAUN PTR NO PJR…!!!

Jornal Nacional Diário | editorial

Nomeiasaun Presidente Tribunal Rekursu (PTR) no Prokurador Jeral da Republika (PJR) sai polimika iha Parlamento Nasional, hafoin Presidente Tribunal Rekursu, Guilhermino apresanta karta rezignasaun ba Taur Matan Ruak tamba problema saude.

Nomeiasaun ba Prezidente Tribunal Rekursu no Prokurador Jeral da Republika nee kompetensia Prezidente Republika nian tuir mandatu konstituisaun artigu 86 ( kompetensia kona-ba orgaun seluk iha alena i) foti Prezidente Tribunal Supremo Justisa no fo poses ba Prezidente Tribunal Superior Administrativu, Fiskal no kontas nian,  no alenia k) foti Prokuradór-Jerál Repúblika nian hodi hala’o knaar iha tinan ha’at nia laran; l) Foti no hasai Adjuntu Prokuradór-Jerál Repúblika nian sira tuir termu sira No.6. artigu 133 nian. Los duni, Prezidente Republika, Taur Matan Ruak  iha direitu konstitusional hodi nomeia Prezidente Tribunal Rekursu no Prokurador Jeral da Republika maibe problema mak mandatu Presidente Republika Taur Matan Ruak nee hela deit loron hirak atu husik kadeira numeru um iha Timor Leste nee. Agora laiha lei ida mak bandu Presidente Republika atu labele foti desizaun politika ruma iha tempo hanesan Presdiente Republika sesante, sa tan mandatu Presidente Tribunal Rekursu sei too Marsu tinan 2018.

AJENTE ZEESM AMEASA POVU, HAKARAK DEZENVOLVIMENTU TENKI TUIR PARTIDU

Xefi bankada CNRT, Natalino dos Santos, hateten, nia lamenta tebes tanba ajente balu husi Autoridade Zona Espesial Ekonómia Sosial Merkadu (ZEESM) Oe-cusse, kontinua halo ameasa ba povu Oe-cusse katak, hakarak dezenvolvimentu elektrisidade no estrada tama lalais, tenki tama partidu.

“Ha’u la’o to’o Aldeia ida iha Suku Naimeco, Aldeia Baqui, Aldeia ida naran  Bubune. Aldeia ne’e ita atu ba, ita la’o ain liu de’it husi mota kuaze km 2 resin. Iha Aldeia ne’e iha familia 40 mak hela iha ne’eba, sira nia estrada no elektrisidade mós laiha. Iha informasaun husi povu iha Aldeia ne’e katak, foin dada’uk iha ajente balu ba iha ne’eba hodi hatete ba povu katak, se karik imi hakarak elektrisidade tama, tenki tama partidu ida hanesan ne’e,” informa Natalino dos Santos ba plenária PN, Segunda (24/04).

Taur Matan Ruak Nomeia Juiz Deolindo ba Prezidente Tribunál Rekursu

DILI, (TATOLI) – Prezidente Repúblika, Taur Matan Ruak nomeia ona juiz Deolindo dos Santos ba Prezidente Tribunál Rekursu hodi troka Guilhermino da Silva ne’ebé rejigna-án tanba saúde.

“Tribunál Rekursu hanesan instánsia judisiál boot liu Timor nian ne’ebé kaer kompeténsia importante hodi fiskaliza konstitusionalidade lei sira, foti desizaun kona-ba kazu judisiál ne’ebé importante inklui arguidu detidu ho natureza urjente”, hatete Xefe Estadu liuhosi komunikadu ofisiál ne’ebé Tatoli asesu kuarta ne’e.

Hatutan tan: “Tribunál Rekursu kaer hela kompeténsia lubuk ida ne’ebé fundamentál tebes relasiona ho prosesu eleisaun”.

Liuhosi nota ne’e, Prezidente Repúblika sesante hato’o obrigadu ba serbisu ne’ebé Guilhermino da Silva hala’o durante mandatu hodi defende podér judisiál nia independénsia, promove juiz sira-nia kondisaun profisionál no hasa’e tribunál sira-nia kualidade, liu-liu kualidade desizaun judisiál.

Prezidente TR foun, lisensiadu hosi Fakuldade Direitu Universidade Pattimura, Ambon, lndonézia.

Nia hahú karreira majistradu judisiál iha 2000 no 2011 hetan nomeasaun nu’udar membru juiz ba Tribunál Rekursu.

Tomada pose sei hala’o iha Palásiu Prezidénsia Repúblika, sesta, (28/4) tuku 9.00.

Taur Matan Ruak aprova pedidu rezignasaun ne’ebé maka Guilhermino da Silva aprejenta tanba saúde. (Jornalista: Xisto Freitas | Editora: Rita Almeida)

Foto: Prezidente Tribunál Rekursu foun, juiz Deolindo dos Santos. Foto espesiál

Komisaun Nasionál HIV/SIDA Planeia Matrís

DILI, (TATOLI) – Komisaun Nasionál Human Immunodeficiency Virus and Acquired Immunodeficiency Syndrome (HIV/SIDA) sei planeia halo fali matrís oinsá identifika ema moras, tratamentu no oinsá labele kontazia ba ema seluk.

Ministru Estadu no Koordenadór asuntu Sosiál, António da Conceição ba jornalista sira iha Komisaun Nasionál HIV/SIDA Praias dos Coceiros, kuarta, (26/4) ko’alia planu atu halo fali matrís.

“Tempu badak ita sei enkontru ho tékniku no pontu fokál hosi Komisaun Nasionál HIV/SIDA atu bele dezenvolve matadalan no oinsá instituisaun Estadu bele involve atu halo implementasaun”, dehan.

Enkuantu, komisaun aprezenta kona-ba inventarizasaun rekolla dadus, kampaña oinsá halo prevensaun moras HIV/SIDA no sira ne’ebé mate ona oinsá atu buka estratejia atu kontrola oan sira hanesan parte umanidade.

Impaktu Merkadu Livre, Negosiante Xina Domina Negosiu

DILI - Timor Leste adopta sistema merkadu livre. Ninia impaktu klaru. Tinan hirak nia laran, negosiante Xina hahu domina atividade negosiu railaran.

Maske balu fo servisu ba Timor oan balu maibe sei lagarante fo progresu diak ba ekonomia nasaun. Xefi Suku Bairo Pite, Joao Baptista da Costa Belo informa, iha Suku Bairo Pite ema estranjeiru neebe halo atividade negosiu barak liu husi Xina, restu husi Indonesia, India, no Pakistan. Iha sistema merkadu livre, ema husi rai neebe deit bele tama halo negosiu.

Iha Dili laran, negosiante Xina barak liu. Balu loke ona loja boot, balu loke pompa kombustivel. Husi sira nia komersiu nee, fo duni servisu ba Timor oan balu.

Hau hanoin prezensa ema estranjeriu iha TL, fo benefisiu ba Timor oan tanba sira loke loja boot, bolu timor oan sira mak servisu, sira hatudu duni kontribuisaun hodi redus numeru dezempregu railaran,” hateten Joao Baptista da Costa Belo ba STL iha CCF Comoro, Tersa (21/3/2017).

KM Aprova Kompania Rua Suplai Mina Hera-Betano

DILI – Konsellu Ministru (KM) aprova ona proposta ida husi Ministru Obras Publika Transporte i Telekomunikasaun (MOPTK), konaba kompania rua neebe suplai mina ba jerador eletrisidade Hera no Betano.

Tuir Reprezentante Konsellu Ministru (KM), Nelio Isac Sarmento katak, enkontru KM nian ba loron ohin (orsehik-red) mak aprova kompania rua hanesan Eto no Sacom Fuel.

Prosesu tenderizasaun ba suplai mina ba jerador eletrisidade iha Hera no Betano, kompania eto no sacom fuel mak sai toma konta,” dehan Nelio ba jornalista sira, wafoin remata enkontru iha palasiu governu, Tersa (25/04/2017).

Reprezentante KM, Nelio haktuir, proposta nee mai husi MOPTK hamutuk ho Komisaun Nasaional Aprovizionamentu (CAN) konaba prosesu tenderizasaun ba suplai mina ba jerador eletrisidade iha Hera no Betano.

Iha fatin hanesan, Vise Ministru Obras Publika Transporte i Telekomunikasaun (MOPTK), Januario da Costa Pereirra esplika, MOPTK loke tenderizasaun internasional ba suplai mina ba jerador eletrisidade Hera no Betano, kompania lima mak aplai ikus mai kompania tolu laprense kriateriu balun no kompania rua mak prense hodi mana tenderizasaun nee mak hanesan Eto no Sacom. Raimundo S. Fraga

Suara Timor Lorosae

Prezensa aviaun EUA iha TL presisa esplikasaun, Hernani: La’os tensaun polítika EUA ho CN


Parlamentu Nasionál (PN), ejizi ba Governu atu esplika ba públiku kona ba prezensa aviaun Estados Unidos da América (EUA) iha Timor Leste (TL), tanba aviaun ne’e nia prezensa iha TL halo povu pániku.

Deputadu Cesar Valente ‘Pilotu’, husi bankada CNRT hatete katak, informasaun funu entre EUA ho Corea do Norte nian, halo povu Timor Leste trauma, entaun mosu tan aviaun America nian iha Timor Leste, povu trauma liu tan.

“Tanba ne’e, ita nia Governu presija fó sai ba públiku katak, aviaun ne’e mai tanba iha duni komunikasaun ruma hodi mai halo servisu ka apoiu komunitáriu iha Timor Leste, hanesan iha tinan hira liu ba, sira mai harii eskola balu iha Timor Leste,” afirma Cesar Valente n’udar membru Komisaun B trata asuntu Seguransa, Defeza no Relasoens Externa ba jornalista sira iha PN, Segunda (24/04).

Nia haktuir, EUA tenki hatene katak, Estadu Timor Leste laiha tendensia atu halo funu, tanba importante liu ba povu Timor Leste mak dame no paz iha mundu.

PM HUSU LABARIK SIRA TENKI VASINA

Primeiru Ministru (PM), Rui Maria de Araujo husu ba povu tomak tenki vasina labarik sira, atu proteje labarik sira husi moras.

Rui Araújo dehan vasina ne’e hanesan biru ida atu salva labarik sira nian saude di’ak iha futuru.

“Vasina hanesan biru (aimoruk, red) ne’ebe fo labarik sira, hodi moras tiru karik la tama, ida ne’e importante tebe-tebes, iha mundu laran tomak ema matenek nain sira halo peskiza sientifika, hatudu ona katak se ita  hakarak labarik sira nia futuru di’ak tenki vasina sira, tenki lori sira ba halo imunizasaun,” hatete PM Rui de Araújo, liu husi nia diskursu seremonia lansamentu semana imunizasaun mundial ne’ebe ho tema “hadomi ita nia oan, vasina sira ba” iha sentru saude Becora, Postu Administrativu Cristo Rei, Munisipiu Dili, Segunda (24/04).

Iha Timor-Leste kalendariu imunizasaun vasina ne’e dala lima molok labarik sira tinan ida, ho objetivu atu salva labarik atu labele hetan moras tetanus, mear (TBC), isin manas no seluk tan.

25 Abril Loke Odamatan Ba Kolonial Portugues Hetan Autodeterminasaun

DILI – Vise bankada FRETILIN Francisco Miranda Branco hateten, Ohin Timor Leste nia istoria rezista korenta seis anus, neebe tranformasaun politika iha Portugal nia konsekuansia impede Portugues nakfera I loke odamataan ba kolonia sira Portugues nian atu hetan auto determinasaun independensia hanesan mos Timor Leste.

Los duni ohin ita nia istoria rezista korenta seis anus maka iha tranformasaun politika iha Portugal nia konsekuansia impede Portugues nakfera, I loke odamataan ba kolonia sira Portugues nian, atu hetan autodeterminasaun independensia hanesan mos Timor Leste,” dehan deputadu Branco, liu husi sesaun plenaria, Tersa (25/04/2017).

Nia dehan, Nee laos loron nostalgia ida, maibe loron neebe iha impaktu mos ba TL nia independensia, tanba nee  nafatin lembra katak, iha tempu defisil mos Timor oan sira neebe sei joven determina katak povu maubere mos atu kaer mesak nia kuda talin.

Iha fatin hanesan Xefi bankada Frente Mudansa Jose Luis Guterres hateten diak tebes lembra hikas dia 25 de Abril. Loron 25 Abril iha Portugal nee laos deit loron Portugal, maibe loron mos ba iha uluk kolenial Portugues neebe Timor hola parte I prosesu revolusaun.

Entretantu Prezidente Parlamentu Nasional Aderito Hugo da Costa hateten, Resolusaun de flores iha 2074 istoriku teb tebes, ba propinsia ultramarinu sira hotu Portugal ninian. Carme Ximenes

Suara Timor Lorosae

Sestu Governu Failla Prevene, Kombate Korupsaun

DILI – Sestu Governu konstitusional lidera husi Primeiru Ministru Rui Maria de Araujo failla iha prevensaun no kombate korupsaun iha Timor Leste, tanba oras nee Eis Ministra Finansas (MF), Emilia Pires ses-an husi justisa.

Tuir Observador Politika-UNTL, Camilio Ximenes Almeida katak, maske sestu governu kontinuasaun husi kintu governu konstitusional nia servisu maibe, hareee balun lao no balun mos lalao liliu area korupsaun.

Sestu governu lahatudu prestasaun diak, lakonsege prevene no kombate korupsaun,” dehan Observador Politika-UNTL, Camilio ba STL iha nia knar fatin Kampus lama-UNTL, Caicoli-Dili, Segunda (24/04/2017).

Camilio haktuir, tanba too oras nee sestu Governu lakonsege halo negosiasaun entre Governu Timor Leste ho Governu Portugal hodi haruka Emilia Pires fila fali mai hodi bele kontribui ba justisa.

Iha fatin ketak, Prezidente CNJTL (Konsellu Nasional Juventude Timor Leste), Maria Dadi Magno esplika, sidadaun idaidak iha papel importante atu prevene no kombate korupsaun laos governu deit. Raimundo S. Fraga

Suara Timor Lorosae

terça-feira, 25 de abril de 2017

KOMBATE KORUPSAUN HO LEI ANTI KORUPSAUN…!!!

Jornal Nacional Diário | editorial

Mandatu deputado Parlamento Nasional terseiru lejislatura nian hela deit fulan 4 tan atu remata. 20 Agusto mai, Parlamento Nasional iha ona deputado foun no membru governu foun hodi halo servisu lejislativu no ezkutivu nian.

Partido hat nebe dadaun nee asentu iha Parlamento Nasional, CNRT, FRETILIN, PD no Frente- Mudanca, partido sira iha tempo eleisaun parlamentar iha tinan 2012, promete ba povu atu kombate korupsaun, koluzaun no nepotismu wainhira eleitu ba tur iha parlamentu.

Mandatu tinan lima iha Parlamentu Nasional hela deit ona sura fulan ho liman fuan atu termina,  maibe povu komesa ejiji tusan promesa nebe sira halo nee kumpri duni ona ka lae? saida mak distintus deputado sira nee kontribuiona ba kombate korupsaun iha rai laran? Promesa nee tusan nebe tenki selu.

Deputado sira iha Parlamento nasional iha maneira barak atu kombate korupsaun liu husi fiskalizasaun ba projetu governu nian, fikaliza servisu governu nian no mos bele halo lejizlasaun ba kombate korupsaun.

PLP FIAR AN SEI HETAN KADEIRA IHA PN

Partidu Libertasaun Popular (PLP), fiar an (garantia-red) katak eleisaun parlamentar mai nee, sei hetan kadeira iha Parlamento Nasional (PN).

“Maske partidu PLP partidu ne’ebe mak foun maibe ami nia estrutura estabelese ba to’o iha nivel aldeia tanba estrutura aldeia mak sei fo forsa ba partidu PLP,  bele servisu ho diak liu tan hodi habelar vizaun ho misaun partidu nian”hateten  Membru konsellu Presidente Deometro do Amaral de Carvalho ba jornalista sira iha Aldeia 1 de Setembro, Posto administrativu Vera Cruz, Munisipiu, Dili,   Sabado (22/4/17).

Parpol PLP hahu halo ona tomada de posse ba nia estrutura iha aldeia 9  hanesan aldeia  1 de Setembro, Mate Restu, Mate Moris, Matua, Lemorai, Virgolosa, Gideon, Nopen, ho Aldeia  Terus nain, hodi bele hametin estrutura iha Aldeia.

Deometri husu ba militantes hotu  hodi bele respeita ba partidu sira ne’ebe mak eziste ona iha suco vila verde, servisu makaas hodi bele kontribui kontribui Vitoria partidu PLP.

PTR Apresenta Karta Resignasaun ba PR Taur

DILI – Presidente Tribunal Rekuru (PTR) Guilhermino da Silva ofisialmente hatoo ona karta resignasaun ba Presidente Republika Taur Matan Ruak.

Lia hirak nee hatoo husi Primeiru Ministru Rui Maria de Araujo ba Jornalista sira bainhira remata enkontru ho Presidente Republika Taur Matan Ruak, iha Palasiu Presidensial Aitarak laran, Segunda (24/4/2017).

Ita nian Presidente Reublika Taur Matan Ruak sei nomeia Presidente Tribunal Rekursu foun, relasiona ho kestaun nee iha semana ida nee nian laran, maibe rasaun saida maka PTR hatoo nian karta resignasaun ba Prezidente Taur husi governu la hatene rasaun lolos ba kestaun nee,” dehan nia.

Xefe governu nee mos hatutan ba naran sira neebe maka Presidente Republika atu halo nomeiasaun hili hodi sai Presidente Tribunal Rekursu foun, sira nee iha ona ba kestaun se maka atu nomaia hodi troka Presidente Tribunal Rekursu.

Iha fatin ketak Vise Presidente Komisaun A Asuntu Konstitusionais, Justisa, Administrasaun Publika, Poder Lokal no Anti Korupsaun Deputadu Arao Noe konsidera ba karta resignasaun neebe maka Presidente Tribunal Rekursu Guilhermino da Silva hatoo ona ba Presidente Republika nee pasu positivu tebes, tamba bazeia ba rekomendasaun medika husi Hospital Singapura no Hospital Nasional Guidu Valadares hatudu kondisaun Presidente Tribunal Rekursu iha duni difikuldade tamba nee presiza deskansa. Natalino T.da Costa

Suara Timor Lorosae

Akordu CMATS TL-Australia Invalida Abril Dalan Loke Ba Diskusaun FM

DILI - Akordu Certain Maritime Arrangement on the Timor Sea (CMTS) entre governu Timor Leste ho Governu Australia, sei invalida iha Abril nee seidauk iha data fiksu hodi loke dalan ba diskusaun Fronteira Maritima (FM).

Tuir Ministru Negosiu Estranjeiru i Koperasaun (MNEK), Hernani Coelho katak, iha fulan Abril tinan nee, akordu CMTS entre Timor Leste ho Australia sei invalida.

Iha fulan Janeiru ka Febreiru parte rua halo ona deklarasaun, dehan katak akordu CMTS nee termina iha fulan Abril nia laran, hodi loke dalan ba diskusaun Fronteira Maritima,” dehan MNEK, Hernani ba jornalista sira iha edifisiu MNEK, Praia dos Coqueiros-Dili, Segunda (24/04/2017).

MNEK, Hernani haktuir, se enkuantu akordu CMTS nee lamate, sei defisil atu deskute kestaun FM no kestaun deskute nee mak sei koalia liu konaba konsoliasaun kompulsoriu ninian. Nia dehan, kestaun servisu oras nee lao diak tuir kalendariu neebe mak iha, tanba iha espetativa katak sei iha rezultadu diak ba parte rua nee hotu hanesan Timor Leste no Australia.

Iha fatin ketak, Dekanu Fakuldade Direito-UNDIL, Justino Sopalo dehan, konaba kestaun FM oras nee nia prosesu sei lao hela lidera husi maun boot Kar Rala Xanana Gusmao. Raimundo S. Fraga

Suara Timor Lorosae

MNE: Díli akompaña situasaun hosi traballador sira iha Koreia-Súl tanba tensaun

Timor-Leste halo hela diálogu regular ho autoridade súl-koreanu sira no hanesan medida kontinjénsia nian prontu hela hodi hasai traballador timoroan na'in 2.000 resin bainhira tensaun iha península koreanu obriga, hatete hosi xefe diplomasia timoroan nian.

"Agora daudaun laiha alerta ida hodi bele foti medida sira hanesan hasai traballador sira. Ami akompaña hela asuntu", hatete hosi ministru Negósiu Estranjeiru, Hernâni Coelho, iha konferénsia imprensa iha Díli iha loron-segunda ne'e.

"Medida sira ne'ebé ami iha atu hala'o maka medida jeral sira ne'ebé aplika ba sidadaun estranjeiru sira iha nasaun. Ami iha medida kontinjénsia nian ne'ebé ami sei implementa bainhira presiza. Maibé seidauk to'o iha pontu ruma nesesidade nian", nia refere.

Iha Koreia-Súl agora daudaun iha traballador timoroan na'in 2.000 resin, destaka iha área atividade oioin, hosi peska to'o hortikultura, florikultura no manufatura nian.

Arkeólogu: Okupasaun ema nian iha Atáuro akontese iha pelumenus tinan rihun 18 liubá

Ekipa arkeólogu sira hetan ona restu sira ne'ebé hanesan sasin hosi okupasaun ema nian pelumenus tinan rihun 18 liubá iha illa timoroan Ataúro, iha norte Díli nian, ho pintura iha gruta sira ne'ebé bele iha tinan tinan rihun ualu resin.

Investigasaun sira halo hosi ekipa ida arkeólogu sira fransés nian ne'ebé lidera hosi Jean-Christophe Galipaud, ne'ebé foin lalais ne'e publika ona rezultadu balun hosi estudu sira ne'ebé halo iha tinan hirak ikus ne'e iha fatin oioin iha Timor-Leste.

Galipaud, ne'ebé hahú hela kleur iha Timor-Leste hahú tinan 2013 - nasaun ne'ebé nia vizita dala uluk iha tinan 2011 -, hanesan arkeólogu ida ne'ebé iha tinan 35 ikus ne'e hasai espesializasaun iha serbisu sira invetigasaun nian iha Pasífiku no iha Sudeste Aziátiku.

Hafoin investigasaun tinan tolu, Galipaud identifika ona fatin haat ho signifikadu arkeolójiku boot tebes, iha rejiaun Balibó, besik fronteira ho Indonézia ho rua iha illa Ataúro, hosi kilómetru 30 resin hosi norte Díli nian.

Iha Arlo, sentru Ataúro nian, arkeólogu no nia ekipa hetan ona restu importante sira hosi aldeira ida ne'ebé okupa entre tinan 2.500 no 3.000 liubá no iha Atekru, iha kosta hosi sudueste illa nian, hetan ona restu sira hosi pintura iha gruta sira ne'ebé karik bele iha tinan rihun ualu resin.

25 DE ABRIL DE 1974 | FIM DA DITADURA EM PORTUGAL | INDEPENDÊNCIA DAS EX-COLÓNIAS


A LIBERDADE PARA TIMOR-LESTE SÓ CHEGOU QUASE 25 ANOS DEPOIS

Em Portugal comemora-se o 25 de Abril de 1974. Passaram 43 anos daquela data histórica. Muitos da juventude atual desconhecem de todo a importância daquele dia e o sucesso que a revolução teve para Portugal e também para os países que eram então colónias distantes, em África e na Ásia. Timor-Leste, no sudeste asiático, viveu com furor a revolução em Portugal. Jovens timorenses viram naquele momento da história a possibilidade de adquirirem legitimamente a independência do seu país, à semelhança das colónias em África. Fizeram-no de modo errado, esquecendo a conjuntura geoestratégica do momento, assim como a enorme ambição da Indonésia de Suharto em anexar Timor como sua província. Os EUA, sempre eles, deram a devida luz-verde a Suharto para satisfazer a sua gula de ocupante e de assassino.

Nas vicissitudes do entendimento entre timorenses assistiu-se a ações nada dignas de uns contra outros. Os mártires desse tempo também devem ser aqui recordados e homenageados, independentemente das suas ideologias e das suas opções acerca do futuro para Timor.

Mais de 24 anos de ocupação e carnificina de assassinos do exército e das polícias da indonésia foi o que resultou da precipitação de jovens timorenses que declararam unilateralmente a independência. Mais tarde aprenderam o erro, a lição, e arrepiaram caminho. Mas os patriotas resistiram, lutaram nas matas, nas montanhas. Clandestinamente nas cidades, vilas e aldeias. Neste e naquele canto. Propuseram-se conseguir a almejada independência. Conseguiram após mais de duas décadas de luta. Mais de 200 mil timorenses foram vítimas mortais da carnificina selvática dos militares e polícia indonésia. Mas a vitória foi certa. Como que a homenagear essas mais de duas centenas de milhares de timorenses assassinados. Homenagem também aos que resistiram e viveram.

Hoje, Timor-Leste, é uma jovem e orgulhosa nação, exemplar em muitos aspetos. Estes anos percorridos na independência comportam apêndices positivos e negativos na história tão recente. Não é o momento para fazer essa abordagem, exceto que a injustiça social perdura em níveis que são demasiados e incompreensíveis. Ou talvez as razões também se acoitem nos que de um momento para o outro enriqueceram desbragadamente. Mas não será só por isso que existe tanta pobreza, tanta malnutrição, fome. É também pela falta de ação dos que nas elites políticas, empresariais e outras, parecem ter sido contagiados pela ganância que vai pelo mundo. Podem ser só alguns, mesmo assim são demasiados. Nem que fossem só um ou dois seriam demasiados. As carências dos timorenses não se compadecem com tais aritméticas.

É de desejar e esperar que melhores tempos virão para Timor-Leste e para os timorenses, nesse e noutros aspetos económicos, políticos e sociais.

Em Portugal comemora-se a data histórica. A data da libertação da ditadura que dominava os portugueses, consequentemente os povos das então colónias. Viva a liberdade, viva a democracia. Que a democracia seja real, de facto. 

Comemoremos, apesar de sabermos que não existem revoluções perfeitas. Elas são fruto da iniciativa e luta de homens e mulheres que também não são perfeitos. Compreende-se. Mas urge saber corrigir o que possa estar errado. (Mário Motta, Lisboa)

DA WIKIPÉDIA

A Revolução de 25 de Abril, também referida como Revolução dos Cravos,[1] refere-se a um período da história de Portugal resultante de um movimento social, ocorrido a 25 de abril de 1974, que depôs o regime ditatorial do Estado Novo,[2]vigente desde 1933,[3] e iniciou um processo que viria a terminar com a implantação de um regime democrático e com a entrada em vigor da nova Constituição a 25 de abril de 1976, com uma forte orientação socialista na sua origem.[4][5][6]

Esta ação foi liderada por um movimento militar, o Movimento das Forças Armadas (MFA), que era composto na sua maior parte por capitães[7] que tinham participado na Guerra Colonial e que tiveram o apoio de oficiais milicianos.[1][8] Este movimento surgiu por volta de 1973, baseando-se inicialmente em reivindicações corporativistas como a luta pelo prestígio das forças armadas,[9] acabando por atingir o regime político em vigor.[10] Com reduzido poderio militar e com uma adesão em massa da população ao movimento, a resistência do regime foi praticamente inexistente e infrutífera, registando-se apenas 4 civis mortos e 45 feridos em Lisboa pelas balas da DGS.[11]

O movimento confiou a direção do País à Junta de Salvação Nacional, que assumiu os poderes dos órgãos do Estado.[12] A 15 de maio de 1974, o General António de Spínola foi nomeado Presidente da República. O cargo de primeiro-ministro seria atribuído a Adelino da Palma Carlos.[13] Seguiu-se um período de grande agitação social, política e militar conhecido como o PREC (Processo Revolucionário Em Curso), marcado por manifestações, ocupações, governos provisórios, nacionalizações[14] e confrontos militares que, terminaram com o 25 de Novembro de 1975.[15][16][17]

Estabilizada a conjuntura política, prosseguiram os trabalhos da Assembleia Constituinte para a nova constituição democrática, que entrou em vigor no dia 25 de Abril de 1976, o mesmo dia das primeiras eleições legislativas da nova República. Na sequência destes eventos foi instituído em Portugal um feriado nacional no dia 25 de abril, denominado como "Dia da Liberdade".