quinta-feira, 17 de agosto de 2017

CNRT-PD Sai Oposizaun Lafo Impaktu Ba Governasaun

DILI - Sosidade sivil iha rai laran konsidera katak, partidu CNRT ho PD neebe maka sai oposizaun iha Parlamentar la fo impaktu ba estabilidade Governasaun, tanba sira ema neebe luta ba ukun rasik aan.

Tuir membru ONG Ajar Inocensio Xavier katak, Partidu CNRT ho PD neebe maka sai oposizaun no latama iha Governasaun la afeita ba estabilidade Governasaun, tanba sira ema neebe pioniu luta ba ukun rasik aan.

“Ita hatene tia ona konsistensia neebe maka CNRT hatudu katak, sira lahetan 33 kadeira iha PN hodi forma Governu mesak sira sei ba oposizaun nee katak, sira ba oposizaun sira garante ona estabilidade de Governasaun,” dehan Inocensio ba STL, iha sede JSMP, Kolmera, Dili, Kuarta (16/08/2017).


Nia dehan, PD nia hakarak durante forma Governasaun mai nia oposizaun depois PD ba Governu, agora fali PDP hola oposizaun neebe laiha problema ida, se wainhira CNRT ho PD ba oposizaun.

Iha parte ketak Camilio Ximenes hanesan akademia UNTL hateten, Iha Timor leste ema barak maka halo espekulasaun, I ninia espekulasaun nee ba fali future, lakolia saida maka halo agora, para atu garante ba futuru, klaru atu akontese buat ruma, tanba desizaun neebe maka sala konsekeunsia husi agora.

Nunee mos Konsileiru partidu Khunto Jose dos Santos Naimori hateten, VII Governu ida nee agora sei lidera husi Fretilin rasik hakarak servi ba povu no nasaun ida nee, nunee mos VII Governu nee buat barak maka sei hadia atu nunee Governasaun ida nee bele lao ho diak. 

Carme Ximenes | Suara Timor Lorosae

Sem comentários: