sábado, 19 de agosto de 2017

F-FDTL Presiza Hametin Nafatin Prinsipiu

DILI — Sosiedade sivil husi HAK hatoo sira nia parabens ba Falintil nia esforsu no ejiste iha tempu naruk tinan 24. Maibe agora husu nafatin ba Falintil Forsa Defesa Timor Leste (F-FDTL) atu hametin nafatin prinsipiu estabilidade ba povu.

Lia fuan hirak nee hatoo husi Diretor Ezekutivu HAK Manuel Monteiro Fernandes ba STL iha Farol Dili Sesta, (18/8/2017). Tuir Manuel Monteiro nia hare konaba didikasaun espiritu nasionalizmu hodi kontinua fo mahun ba povu ida nee maka sai nudar objetivu ba sira atu liberta nasaun durante tinan naruk nia laran.

Tenki defini fila fali sira nia forma ida hodi kontinua fo mahun ba povu tuir mandatu konstituisaun da republika hodi asegura seguransa sterna. Hodi asegura sidadaun sira hodi sidadaun sira hetan seguru. Ami ho Hak nia naran hato parabens ba esforsu Falintil nian no husu nafatin ba sira atu luta nafatin ba estabilidade nasional,”nia dehan.

Agora tama ba iha faje libertasaun povu nian maka forsa defeza presija define filafali sira nia forma ida hodi kontinua fo mahun ba povu hodi fo mahun nafatin ba povu Timor Leste tuir buat nebe konsagra ona iha ukun fuan konstituisaun.

Adjuntu Diretor Ezekutivu Komite 12 de Novembru Rogerio Castro da Cruz komite nia naran hato parabens ba loron falintil nian ba loron 42 anos signifika katak sira sempre fo korajen nafatin no fo kontribuisaun ba forsa neebe maka halo nia aniversariu.  

Justinho Manuel | Suara Timor Lorosae

Sem comentários: