Governu Foun Tenke Prioritiza Seitor Edukasaun, Saude no Agrikultura

DILI – Governu foun neebe maka mai liu-liu VII konstitusional tenke tau prioritisaun ba seitores edukasaun, saude no agrikultura, tamba setores hirak durante nee governu ladauk fo atensaun neebe diak.

Tuir Diretur Ezekutivu HAK Maunel Monteiro afirma ba governu foun neebe maka mai liu ba VII governu konstitusional oras nee sei iha prosesu nia laran, kuandu iha ona serteza hodi forma governu maka tenke tau atensaun ba iha seitores saude no edukasaun alem ida nee mos seitores agrikultor.

“Ita nia governu foun presiza tau atensaun ba iha seitores edukasaun no saude tamba iha parte eudukasaun nian durante tinan sanulu resin lima nian laran seitores edukasaun kontinua sai obstaklu hodi imfreta problema liu iha kestaun infraestrutura eskolares neebe maka ladauk iha   kondisaun diak labarik barak maka kontinua tuur iha rai, nee tuir lolos ita tenke tau atensaun  masimu ba kestaun nee atu eleva konesimentu iha area edukasaun liu-liu rekursu humanus nian ida nee tau atensaun kuandu governu tau matan ba ida nee maka otomatika seitores edukasaun sei lao ba ohin ho diak,” dehan Manuel iha nia knar fatin Farol, Segunda (21/8/2017).

Nia dehan laos deit iha seitores edukasaun maka preiza fo atensaun maibe ba iha seitores saude, tamba oras neee iha prte saude rasik la iha fasilidade neebe maka adekuadu kada vez pasiente sira halo tratamentu iha rai liur.

Nunee mos iha sorin seluk peskizador Asia Justice And Rigth (AJAR) Inocencio Xavir afirma nudar sosiadade sivil nia hare durante nee iha seitores balun neebe maka ladun lao hanesan saude, too oras nee governu liu husi Ministeriu Saude rasik lakonsege resolve problema ai moruk no durante kestaun aimoruk iha hospital balun. 

Natalino Costa | Suara Timor Lorosae