sábado, 12 de agosto de 2017

ME Identifika Eskola 800 Kondisaun La Diak

PARTILHAR
DILI – Hahu iha tinan 2013 too 2014, Ministeriu Edukasaun (ME), identifika eskola atus ualu (800) mak kondisaun la diak.

Kestaun nee fo sai husi Diretor Jeral husi ME, Antoninho Pires katak, primeira identifika  kondisaun eskola iha 2013-2014, ME konsege identifika eskola kuaze atus ualu mak kondisaun infrastrutura nee ladiak, depois balun meja no kadeira la too.

“Primeira ita identifika iha tinan 2013-2014 ita konsege identifika eskola kuaze atus ualu mak ninia kondisaun infrastrutura nee ladiak, depois balun meja no kadeira la too, tanba nee ba eskola atus ualu nee ita,” dehan DJ ME Antoninho ba STL iha edifisiu ME Vila-Verde Dili, Kuarta (09/08/2017).

Antoninho akresenta, kondisaun eskola publiku nee presiza toma atensaun, tanba too agora  eskola balun seidauk iha fatin biblioteka, laboratorium, inklui sanimentu, espera katak, governu foun neebe mak mai, sei toma responsabilidade, no sei rezolve problema infrastrutura eskola, atu nunee estudante sira uza hodi halao prosesu aprendizajen ho diak liu tan.

Iha fatin hanesan eis primeira dama TL, Isabel Ferreira hatete, konaba problema infrastrutura eskola, tenke honestu no rekoinese saida mak lao ona iha rai laran, liu-liu konaba infrastrutura eskola, maibe balun hahu diak ona, laos la dika liu lae, tanba edifisiu eskola balun hahu diak dadaun ona. 

Jacinta Sequeira/Guilhermina Franco | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: