DILI,
(TATOLI) - Primeiru Ministru VII Governu Konstitusionál, Mari Alkatiri reálsá
katak, misaun VII Governu nian mak atu hadi’a polítika, Plano, no
sistema, ne’ebé governu anterior sira halo ona. VII governu mai la’ós
troka ema, hanesan programa prioridade.
“Bainhira
ita harii Estadu ida, Estadu nee iha kontuidade. Governu ita bele muda, maibé
Estadu mantein kontinuidade. Tanba ne’e saida mak ita atu halo iha Governu foun
mak atu hadi’a. Objetivu la’ós troka ema. Hadi’a mak polítika, planu, programa
no sistema.
Ne’e mak VII Governu hakarak halo,” Primeiru-Ministru Marí Alkatiri
afirma liuhosi nia deklarasaun ne’ebé fó sai hosi Gabinete Primeiru Ministru,
iha Palásiu Nobre, Lahane, Ohin.
Alkatiri
mós dehan, Governu ne’ebé nia lidera, governu ba Ema hotu, ukun ba Ema hotu no
ukun atu responde ba povu nia halerik no hakarak.
Entretantu
ba loron dahuluk ohin, nu’udar xefe governu Mari Alkatiri hetan mós pontu de
situasaun husi unidade ida-idak ne’ebé hamahon aan iha Gabinete
Primeiru-Ministru kona-ba sira ida-idak nia servisu.
Iha
sorin seluk, Eis Primeiru-Ministru Dr. Rui Maria de Araújo entrega mós Retratu
do Governu no Relatóriu prosesu Governasaun VI Governu nian ba
Primeiru-Ministru VII Governu Konstitusionál.
Prezensa
Alkatiri iha Palásiu Nobre simu hosi Eis Primeiru-Ministru Dr. Rui Maria de
Araújo ho estrutura Gabinete Primeiru-Ministru nian inklui Diretores,
Kordenadores no Koloboradores sira hotu simu Primeiru-Ministru empossado Dr.
Mari Alkatiri, hodi kontinua ba halo sorumutu ida.
Ekipa
Redasaun
Foto:
Eis Primeiru-Ministru Dr. Rui Maria de Araújo entrega mós Retratu do Governu no
Relatóriu prosesu Governasaun VI Governu nian ba Primeiru-Ministru VII Governu
Konstitusionál, Mari Alkatiri. FOTO Midia GPM
Sem comentários:
Enviar um comentário