Prezidente
Repúblika timoroan nian, iha loron-tersa ne'e, halo apelu ida ba opozisaun
maioritáriu hodi fó "oportunidade ida" ba Governu dahitu, ne'ebé nia
membru ikus sira simu ona pose ohin, hodi hatudu saida maka nia bele, iha
ambiente ida ho "unidade no diálogu".
"Governu
Konstitusional dahitu no nasaun tenki iha oportunidade ida hodi hatudu saida
maka ita bele. Tanba ne'e, ha'u apela ba Parlamentu Nasional no ba sidadaun
sira hodi le programa Governu nian no fó ba nasaun oportunidade hodi ita
kontinua hadi'a nível sira dezenvolvimentu hosi ita nia sosiedade", hatete
hosi Francisco Guterres Lu-Olo iha loron-tersa ne'e.
"Kondisaun
sira moris nian la di'ak ho liafuan todan sira. Hadi'a ho empeñu, ho serbisu no
ho estabilidade iha sosiedade", nia afirma hafoin fó pose ba membru na'in
lima ikus hosi ezekutivu ne'ebé hahú ona funsaun sira dezde loron 15 Setembru.
Aleinde
ministra Justisa, Ângela Carrascalão, ho ministru Turizmu, Manuel Vong, simu
mós pose Sara Lobo Brites nu'udar visi-ministra Planu ho Finansa nian, Rui
Meneses da Costa nu'udar visi-ministru Turizmu ho Adaljiza Magno nu'udar númeru
daruak hosi Negósiu Estranjeiru nian.
Lu-Olo
ko'alia iha tempu ne'ebé Governu minoritáriu defende iha Parlamentu Nasional
programa ezekutivu nian ne'ebé opozisaun maioritáriu kritika no ne'ebé bele
xumba ho proposta sira rejeisaun nian.
Prezidente
Repúblika afirma ona katak ezekutivu harii ona ho dalan "prudente no
sensatu", buka "unidade no hakohak kuadru sira ho kualidade, lahó
hadook ema ida hosi dezenvolvimentu nasional", ho primeiru-ministru mantén
hahalok ida "dedikadu, dialogante ho esperiente" hodi buka
"solusaun estável" ida ba nasaun.
"Nasaun
hakarak partisipasaun hosi ema tomak ho estabilidade hanesan importante hodi
ita avansa ho projetu sira dezenvolvimentu nian. Maturidade hosi Estadu
timoroan nian, maski iha de'it tinan 15, iha orijen hosi prosesu sakrifísiu ida
ne'ebé naruk, hosi rezisténsia nasional no unidade hosi ita nia povu", nia
konsidera.
Lu-Olo
hatete katak tempu luta hasoru okupasaun indonéziu permiti ona ba ema timoroan
sira aprende "rejeita linguajen ne'ebé haketak no (…) radikalizmu" no
ne'ebé "hanesan pozitivu halo kompromisu hodi unifika nasaun".
Opozisaun,
ne'ebé konstitui iha Aliansa Maioria Parlamentar (AMP) ida, kritika xefe Estadu
tanba fó pose ba Governu minoritáriu ida, hodi afirma katak "minoria
labele manda iha maioria".
Iha
nia diskursu, Lu-Olo husu ona ba nia kompatriota sira "korajen ho
persisténsia" hodi nune'e bele ultrapasa dezafiu sira hosi dezenvolvimentu
nasional nian no husu ba Governu no Parlamentu Nasional reforsu ida hosi
koperasaun institusional nian.
Refere
loloos ba debate programa Governu nian, Lu-Olo destaka ona susesu sira ne'ebé
Timor-Leste hetan ona iha tinan hirak ikus ne'e, asaun ne'ebé tenki iha
"orgullu no fó korajen" ba ema timoroan tomak, maski progresu sira
seidauk hanesan sufisiente.
"Ita
tenki serbisu nafatin, ho dedikasaun ho persisténsia, hodi aumenta kualidade
hosi serbisu sira Estadu nian no hodi hetan objetivu sira ne'ebé ita estabelese
ona ba dezenvolvimentu nasional", nia hatete.
Hodi
hetan objetivu "hodi governa ba ema sira", defini ona iha programa,
hanesan importante "kombate izolamentu hosi suku sira ne'ebé dook tebes,
harii infraestrutura sira ho kualidade, hadi'a asesu ba ensinu no ba serbisu
sira saúde nian ho kualidade ba ema tomak, hadi'a alimentasaun, asesu ba
enerjia no ba bee-moos, aumenta habitasaun no implementa polítika sira hodi
tulun harii liután oportunidade sira serbisu nian".
"Bele
hetan objetivu sira ne'e. Tuir ita nia esperiénsia hanesan nasaun, haree ba
dalan ne'ebé ita halo ona dezde 2002, ita bele afirma katak objetivu sira hosi
programa Governu nian bele hetan. Hanesan objetivu realista sira", Lu-Olo
hatete.
SAPO
TL ho Lusa
Sem comentários:
Enviar um comentário