quarta-feira, 18 de outubro de 2017

Saudozo Agusto Filipe Gama "Teky

ORARIU Halo'ot Restu Mortais Saudozo Agusto Filipe Gama "Teky" mak hanesan tuir mai ne'e;

..............................................................................

Sai husi Dili ba Natarbora dia 19/10/2017 (Oras tk 02:00 lokraik)

Sai husi Natarbora ba Laga/Baucau dia 20/10/2017 (Oras tk 10:00 dadersan)

Depois rai loron 4 iha Laga, dia 25/10/2017 sei lori fila fali husi Laga mai Dili-Bidau (Oras Tk 01:00 meudia)

Dia 28/10/2017, husi uma Bidau sei lori ba vizita UNTL. Husi UNTL sei mai vizita Comite 12 de Novembro.

29/10/2017 lori Saudozo Teky nia Restu Mortais ba halo'ot iha fatin ikus Jardim dos Herois, Metinaro (Tk 4:00 lorokraik OTL).

Mak ne'e deit informasaun husi ami, ba Ita Boot sira nia atensaun OBRIGADO.

.............................................................................

Profile badak Saudozo Teky nian

Teki moris iha Laga, 16 de Agusto 1964. Oan husi Tai Resi no Liba-Loi. Teki oan numeru (2) husi maun alin (6). Iha tinan 1984 Saudozo hahu tama iha escola seminariu Dare maibe la-konsege kumpri nia vocacao, tanba ne’e iha tinan 1988 Teki kontinua fali nia estudu iha UNTL (Fisopol).

Depois akontesementu Masacre Santa Cruz, Teki hanesan Juventude Lorico Aswa’in ne’ebe militar Indonzia sira destera sai husi sidade Dili. Primeiru TNI sira lori Saudozo ba kastigu iha Postu Adminsitrativu Natarbora, husi Natarbora sira muda nia mai iha Suco Manehat.

Tuir informasaun ne’ebe hato husi lian-nain (Maun Casmiro), katak husi media Manu tolun ne’ebe nia uza hatudu katak, TNI nain (4) inklui Milisas (1) mak lori saudozo husi pos TNI (Fatuk Lau Tutun kode 214) ba oho iha fatin ne’ebe nia restu mortais hetan ba (Uhak tutun ho kode 219). Area rua refere hanesan parte integradu husi Suco Mane Hat.

Sira oho Saudozo iha kalan, dia 31 de Desembro 1992 oras (9:40) iha area ne’ebe mensiona. Saudozo nia isin mate TNI sira la-hakoi maibe soe deit iha area refere. Iha dia 25 de Janeiru 2016 tinan (2) liu ba, Comite 12 de Novembro ho komunidade husi Soibada, Salau, Mane-hat no Natarbora konsege aruma restu mortais Saudozo Teky nian iha fatin ne’ebe temi iha leten.

Lorico Lian ho Maubere Gusmão

Sem comentários: