Alkatiri ho Ramos Horta, La preokupa ho situasaun polítika

Primeiru Minstru(PM) Mari Alktiri no Ministru Konseleru Seguransa Sosial (MKSN) José Ramos Horta, hateten, la preokupa ho situasaun polítika rai laran, maibe preokupa ba polítika nain sira

“Foin lalais iha 12 Novembru ne’e ha’u kolia tiha ona katak, ha’u la preokupa ho situasaun politika rai laran, maibe ha’u preokupa ho politika  nain sira,” Primeiru Ministru, Mari Alktiri, ba jornalista sira, hafoin partisipa konferensia Internasional ho tema “Konferensia Investimentu  Internasional” ne’ebe hala’o ba daruak iha Timor Plaza, Tersa (14/11/2017).

Liafuan hanesan mos hato’o  husi Ministru Estadu no Konseleiru ba Seguransa Nasional (MEKSN) José Ramos Horta, katak, nia parte la preokupa  ho situasaun politika dadauk ne’e, tanba konstituisaun Repúblika Timor-Leste mak hatudu dalan nune’e kria sistema multipartidariu no seluk tan.

“Ha’u ladun preokupadu ho ne’e, tanba ita hotu-hotu hatene katak, ita nia konstituisaun mak  hatudu dalan  nune’e, I konstituisaun ne’e, Timor oan mak hakerek, Timor oan rasik mak ba vota, I kria multipartidariu, I fo kompetensia ba parlamentu para debate aprova programa governo ou la aprova, aprova orsamentu ou la aprova, prova lei buat sira ne’e hotu,”Eis Prezidente Republika ne’e afirma.

Ramos Horta haktuir, alende fo kompetensia ba parlamentu nasional, konstitusional RDTL mos fo kompetensia ba Prezidente Republika, atu  ho nia kapasidade halo dialogu no mediasaun ba situasaun polítika ne’ebe mak iha.

“Fo mos ba prezidente , kapasidade halo negosiasaun, mediasaun ba joven , tensaun politika ne’ebe iha buka dalan kuandu solusaun ida kuandu iha blokeamentu, dalan taka, prezidente Republika halo dialogu para hetan solusaun, ne’e presija han tempu,” Hateten, Ramos Horta

Ramos Horta hateten, maske Setimu Governu dadauk  minoria, maibe Konstitusional no lao dadauk, nune’e bele hateten governu iha

“Klaru iha preokupasaun, parlamentu tenki hare’e agora, Governu lori orsamentu retifikativu ba Parlamentu Nasional atu selu dividas ne’ebe Governu ne’ebe tinan kotuk nian halo, laos governu foun nian. Ema barak lakon ona pasensia, emprezariu Internasional nomos Nasional, barak mak laiha osan ida ne’e mak governu preokupadu hodi halo orsamentu ratifikativu hodi selu divida ne’ebe mak iha,” tenik Ramos Horta. Ola

GMN TV