DILI,
(TATOLI) – Pareser ne’ebé Komisaun C (Finansa Públika) produz la
passa, nune’e proposta Orsamentu Retifikativu sei la halo tan debate iha
plenária Parlamentu Nasionál (PN).
Maria
Ângelica Rangel, deputada hosi bankada Frente Revolusionária Timor-Leste
Independente (FRETILIN), informa, pareser ne’ebé komisaun produz hanesan
juridíku no finanseiru hetan kontra hodi deputadu opozisaun sira iha komisaun,
signifika proposta la pasa atu halo debate iha plenária.
“Ba
ha’u ko’alia hanesan partidu FRETILIN, ami iha governu, signifika sira la iha
vontade ba haree kestaun estadu tan orsamentu retifikativu la’ós atu mai
sustenta governu ida ne’e”, deputada hatete ba ajénsia TATOLI hodi refere ba
opozisaun hafoin diskusaun iha komisaun, loraik ne’e.
Deputadu
ne’e realsa orsamentu ne’ebé governu aprejenta atu sustenta povu no estadu nia
vida tanba naturalmente iha governu foun, tenkeser iha retifikativu atu ajusta,
atu alinea kestaun ne’ebé mak seidauk prevé iha orsamentu.
Maria
Ângelica Rangel esplika diskusaun ne’e bazea ba despasu Prezidente PN, Aniceto
Guterres, iha urjénsia artigu 97 o, rejimentu PN katak atu halo debate
urjénsia hodi produz pareser, nune’e lori ba plenária hodi halo diskusaun,
maibé depois komisaun halo debate 24 oras, to’o iha konkluzaun partidu
opozisaun rejeita (vota kontra).
Tuir
rejimentu artigu 97 ne’ebé ko’alia kona-ba prosesu urjénsia, plenária ne’e
soberanu, kuandu rejeita iha komisaun, sei lori fila fali ba debate iha
plenária maibé ne’e la’ós debate orsamentu retifikativu.
Tanba
ne’e prezidente baixu iha ne’ebá dehan katak urjénsia kabe ba artigu 97 o tenke
lori ba komisaun hodi fó nia pareser juridíku no finanseiru nune’e bele halo
diskusaun iha plenária, maibé ohin depois de pareser ne’e, partidu opozisaun
husi CNRT, PLP no KHUNTO vota kontra pareser juridíku, pareser finanseiru ne’e.
Entretantu
to’o notísia ne’e hatuun, ajénsia TATOLI seidauk halo konfirmasaun ho parte
opozisaun hodi husu klarifikasaun no razaun hodi vota kontra pareser komisaun
C, tanba loraik ne’e bankada opozisaun sira la iha ona fatin.
Jornalista:
Rafy Belo | Editora: Rita Almeida
Foto:
Parlamentu Nasionál. Foto Relasaun Públika PN
Sem comentários:
Enviar um comentário