Intelektual Fiar Lideransa Sei Lafahe Malu

DILI - Intelektual sira iha nafatin esperansa ba situasaun politika neebe lao iha rai laran, maibe ida nee laos intensaun atu lideransa nasional sira atu fahe malu iha situasaun hanesan nee.

Liafuan hirak nee hatoo husi Retor Institute Of Bisnis (IOB) Augusto da Conceição Soares ba STL iha nia knar fatin Pantai Kelapa Dili Kinta, (14/12/2017). Nia dehan, iha mos esperansa ba lideransa nasional sira atu tane as nafatin interese nasional, atu lori nasaun ida nee ba oin.

Ami husu ba PR nudar komandante supreme forsa armadas atu garantia estabilidade iha TL. Nunee moos ami husu ba PR atu solusiona problema nee tuir lei no konstituisaun neebe maka iha. Maibe PR moos sei esforsu an nafatin atu solusiona politika rai laran tuir dalan konstituisaun,”nia dehan.

Iha parte seluk katak iha diferensia ideia no diferensa politika nee normal. Uluk iha situasaun ladiak durante tinan 24 nia laran sira iha unidade nafatin atu lori nasaun nee ba ukun an nusam mak agora labele. Tanba nee maka sei lafahe malu iha situasaun sira hanesan nee tanba povu iha esperansa nafatin ba lideransa sira.

Diretor Kumpania Nimia Costrution. Lda Epifanio Faculto dehan presija tebes lideransa nasional sira hamutuk tanba TL ema hotu nian. nunee mos sei iha nafatin esperansa ba VII Governu konstituisional atu dura ba tinan 2022. Maibe parte seluk mos Prezidente Republika sei solusiona problema iha rai laran. 

Justinho Manuel | Suara Timor Lorosae