Passaporte Tiago-Fong Prende Iha Tribunal, Passaporte Foun Husu Embaizada

DILI - Arguidu Tiago Guerra Ho Nia Fen Chang Fong Fong, durante nee sira nia passaporte entrega iha tribunal neebe nia prazu liu tiha ona, tanba nee sira halai sai uza passaporte foun.

Deklarasaun nee, hatoo husi Prezidente Majislatura Judicial Antonino Gonsalves ba Jornalista sira iha nia knar fatin Tribunal Distrital Dili Kuarta, (13/12/2017).

Passaporte neebe iha nee nia prazu liu tiha ona, agora tuir babain tarata passaporte iha Timor no rai seluk nian, tenki mai husu passaporte tuan nee, entrega ba hodi tarata foun tanba prazu liu ona, se passaporte lakon husu deklarsaun husi polisia, hodi halo deklarsaun deposi entrega iha Embaizada hodi halo foun, agora nia ba dehan hetan fali passaporte foun, nia tarata antes, tenki husu Embaizada Portugal sira nia regra nee oinsa,” dehan Antonino.

Nia dehan, passaporte neebe Tiago ho nia fen hatama, liu prazu ona, nunee tenke husu iha Embaizada sira nia regra nee oinsa, enkuantu passaporte neebe tribunal prende nee, sira hasai fali iha neeba,  hodi hetan fali passaporte foun.

Deklara tan, tuir Timor nian se passaporte lakon lori deklarasaun husi polisia, se prazu liu lori tuan hodi prolonga nia prazu, no arguidu sira hetan passaporte foun tribunal mos la hatene. Nunee husu atu klarifikasaun husi Embaizada, sira nia regra nee ema bele koalia deit hasai passaporte. 

Terezinha De Deus | Suara Timor Lorosae