PNTL Prontu Garante Seguransa Diskusaun OR

DILI - Polisia Nasional Timor Leste prontu ona atu asegura no garante seguransa ba deputadu sira neebe halo diskusaun ba Orsamentu Ratifikativu neebe halao iha Parlamentu Nasional Segunda (18/12/2017). Maibe husu mos parte PN atu hadia kamera CC-TV neebe iha.

Lia fuan hirak nee hatoo husi Komandante PNTL, Komisariu Julio da Costa Hornai ba jornalista sira depois remata inkontru semanal ho Prezidente Republika Francisco Guterres Lú Olo iha Palasiu Prezidensial Bairo-Pite Dili Sesta, (15/12/2017).

“Ami prontu atu asegura no halo seguransa iha parlamentu nasional durante debate orsamentu OR iha loron segunda mai. Maibe ami moos husu atu paralmentu nasional beele hadia didiak konaba funsionamentu kamera CC-TV iha Parlamentu,” dehan nia.

Tanba nee maka husu ba PN atu hadi no funsiona hikas kamera CC-TV neebe iha neeba atu beele fasilita polisia sira nia servisu durante diskusaun iha PN. Tanba nee husu ba depudaus no politika nain sira atu halo diskusaun ba no desidi ba konaba orsamentu ratifikativu neebe governu hatoo ba PN.

Tanba parte Polisia Nasional Timor Leste prontu atu asegura seguransa iha parlamentu nasional durante debate orsamentu ratifikativu neebe sei halao iha loron Segunda mai. Atu nunee beele asegura diak liu tan ba politiku nain sira atu halo debate no desidi iha diskusaun orsamentu ratifikativu nian iha parlamentu neeba. 

Justinho Manuel | Suara Timor Lorosae