sexta-feira, 15 de dezembro de 2017

Timor-Leste taka tinan ne'e ho tensaun polítika ne'ebé marka ho eleisaun rua

Iha Timor-Leste, tinan 2017 hahú ho dame ida kuaze total entre forsa partidáriu sira, iha klaran marka ho akordu fronteira ho Austrália no hakotu ho krizi polítika ida hafoin eleisaun prezidensial sira no lejislativu nian.

Hanesan moris polítika ida, domina dahuluk hosi kalendáriu eleitoral no hafoin ne'e ho formasaun susar hosi Governu no tuir protestu hosi opozisaun maioritáriu ne'ebé maka marka tan tinan 2017.

Tinan ne'e hotu ho dúvida barak liu duké dúvida sira ne'ebé maka ezisti bainhira hahú tinan 2017, bainhira nasaun prepara hela ba eleisaun prezidensial sira no konsensu ida hatudu ba vitória loloos hosi Francisco Guterres Lu-Olo, apoia hosi nia partidu - Frente Revolucionária do Timor-Leste Independente (Fretilin) - maibé mós ho apoiu hosi Xanana Gusmão ho nia partidu Congresso Nacional da Reconstrução Timorense (CNRT).

Francisco Guterres Lu-Olo manán iha volta dahuluk. Susar liu maka lejislativu sira, iha fulan-Jullu, ne'ebé Fretilin manán ho vitória mínimu, liu de'it votu rihun resin duké CNRT.


Maibé, kuaze ekilíbriu entre forsa polítika rua ne'ebé hetan liu votu, tanba Fretilin apoia governu rua anterior ne'ebé lidera hosi CNRT no deklarasaun - hafoin períudu ida reflesaun nian iha loron barak nia laran hosi Xanana Gusmão - katak partidu daruak sei sai hanesan opozisaun konstrutivu, halo antevizaun ida ba solusaun pasífiku ida.

Maibé diálogu sira liuhosi konflitu oioin no Fretilin konsege harii de'it Governu minoritáriu ida ho Partidu Demokrátiku (PD), ne'ebé partisipa pelumenus militante ida hosi CNRT no na'in tolu hosi PLP.

Ekilíbriu iha tinan hirak ikus ne'e la mantén no hafoin prosesu naruk hosi formasaun Governu nian, ezekutivu nia programa la liu tanba iha proposta rejeisaun ida hosi opozisaun ne'ebé maka halibur hamutuk iha Aliansa Maioria Parlamentar (AMP) ida.

Nune'e tinan ne'e ho ho difikuldade ida: Governu akuza opozisaun ba tentativa golpe, AMP hatete katak atua tuir Konstituisaun no akuza prezidente Parlamentu Nasional nian tanba rekuza halo markasaun ba proposta sensura kontra ezekutivu.

Lahó osan iha área barak, ho orsamentu limitadu ida ba tinan 2017 - no previzaun katak iha 2018 sei hahú ho duodésimu - Governu labele halo buat barak iha área barak, ho opozisaun hakarak hetan aprovasaun ba nia proposta sensura, hodi obriga hatún ezekutivu.

Desizaun ikus iha Prezidente Repúblika nia liman laran, ne'ebé rona nafatin líder polítiku sira, relijiozu sira no hosi sosiedade sivil no ne'ebé sei desidi katak sei buka solusaun governativu seluk iha kuadru parlamentar atual ka avansa ba eleisaun antesipadu.

Iha planu externu, tinan ne'e marka ho akordu ba definisaun fronteira tasi sira nian ne'ebé hetan ho Austrália no karik sei asina, tuir dalan formal, iha tempu badak.

Akordu mós sai hanesan asaun boot ikus hosi moris luta ba independénsia no soberania Timor-Leste nian hosi istóriku Xanana Gusmão: tanba nia maka lidera ona ekipa timoroan ne'ebé halo negósiu ho Austrália ho mediasaun hosi Komisaun Konsiliasaun ida hosi ONU.

Iha tinan ida ho tensaun polítika ne'ebé pozisaun sira hosi partidu prinsipal sira hahú dook malu, luta ba definisaun fronteira sira no akordu ne'e sai hanesan parte maka'as unifikador nian, merese hetan apoiu kuaze konsensual iha Timor-Leste.

Aleinde defini "elementu sentral sira" hosi definisaun fronteira tasi nian entre nasaun rua - buat hotu indika katak sentra iha liña média ida ne'ebé maka ema timoroan sira reklama beibeik -, akordu iha impaktu diretu iha konta nasional sira, tanba inklui estatutu legal ba dezenvolvimentu hosi posu gás Greater Sunrise nian iha Tasi Timor.

Asuntu úniku ne'ebé pendente iha relasaun ho oinsá maka gás ne'e sei explora: ho gazodutu ida ba Darwin, iha Teritóriu Norte Austrália nian, ba ba kosta súl Timor-Leste nian. Destinu hosi gazodutu ne'e sei determina dalan oinsá sei fahe reseita sira entre nasaun rua.

Tinan ne'e marka mós ho momentu intensu ida hosi relasaun bilateral foin lalais ne'e entre Portugal ho Timor-Leste, tanba kaben-na'in portugés Tiago ho Fong Fong Guerra, ne'ebé hetan kondenasaun kadeia tinan ualu iha Díli no ne'ebé halai ba Austrália ho ró iha loron 09 Novembru. Kazal ne'e to'o iha Lisboa iha loron 25 Novembru.

Entrega pasaporte sira ba kazal ne'ebé halo foin lalais hosi embaixada portugeza iha Díli hetan krítika iha Timor-Leste, maibé ministru Negósiu Estranjeiru portugés, Augusto Santos Silva, garanti ona katak respeita ona lejislasaun portugeza, konkluzaun hosi investigasaun urjente ida ne'ebé maka nia haruka halo.

SAPO TL ho Lusa

Sem comentários: