DILI - Klibur Estudante Defende
Konstituisaun (KEDK) RDTL husu ba Prezidente Republika Francisco Guterres Lú
Olo, atu hakotu inpase politika iha rai laran. Nunee moos husu ba PR atu
konvoka sesaun extra ordenaria tanba parlamentu lafunsiona ho diak.
Lia fuan hirak nee hatoo husi
Portavos KEDK Paiju Santos ba jornalista sira liu husi konfrensia inprensa
neebe halao iha Peace Coffe Kolmera Dili Tersa, (16/1/2018). Nia dehan haree ba
dinamika politika neebe akontese depois formasaun VII Governu konstitusional
neebe viola moos valor demokrasia no konstituisaun.
“Ami husu ba orgaun de estadu
tomak atu lao tuir dalan konstituisaun neebe iha ona. Maibe karik ami nia lian
ida nee laresponde maka ami sei mobilize masa. Ami husu moos ba povu tomak atu
hakmatek no hatudu nafatin maturidade ambiente pas,”nia kualia.
Liu husi situasaun politika ida
nee Premeiru Ministru (PM) Mari Alkatiri ladun hatudu sentidu estadu neebe diak
no hahalok nee signifika katak anti demokrasia. Haree ba problema neebe mak
mosu oras nee dadaun maka maioria supmete fali ba minoria ida nee ladun diak.
tanba sira sujere atu hadia politika.
Vise Retor-III Institute Of
Business (IOB) Antonio Cunha dehan haree ba situasaun politika neebe lao oras
nee dadaun halo povu tomak triste tanba deit lider politika sira ladun nakloke
ba malu.
Justinho Manuel | Suara Timor
Lorosae
Sem comentários:
Enviar um comentário