DILI - Arguida ho inisial JM
tenke hatan tribunal, tanba trata no posting foto lezada EC iha media sosial
facebook (FB).
Tuir akuzasaun husi Ministeriu
Publiku neebe lee sai husi tribunal katak, iha loron 20 fulan Setembru 2017,
mais ou menus tuku 17:00 lezada atu taka sira nia loja, lakleur rona arguida
tolok nia alin sira.
Lezada kous nia oan atu hakat ba
sorin, derepente arguida mos tolok dehan feto puta, tanba nee lezadamos ba husu
tuir arguida, konaba nia lia fuan nee. Arguida halai hasoru lezada, lori liman
fuan lees, no lori garfu fai ba iha lezada.
Iha loron 1 fulan Outubru 2017,
lezada tama hela facebook hare, arguida hatama lezada nia foto ho katuas ida,
hodi hakere iha foto nia leten katak, lezada ema puta.
Arguida mos hatama lezada ho nia
familia sira nia foto, hodi hakerek ho lia fuan aat.
Arguida hanesan autor material ba
konkursu ba kirme ofensa integridade fisika simples, krime amesa, krime
devasa, iha artigu 145, 157, 183 husi kodigu penal.
Iha sala julgamentu, lezada
aseita atu dada fila krime nee, maibe husu ba arguida atu labele halo tan iha
futuru.No arguida mos husu deskulpa ba lezada, promete iha tribunal sei la halo
tan hahalok nee.
Audensia julgamentu nee, prezide
husi juiz singular Ivan Suritay, Ministeriu Publiku reprezenta husi prokurador
Hipolito Santa, arguidu hetan asistensia legal husi defensor publiku.
Notisia kompletu lee iha jornal
STL edisaun Segunda (28/05/2018)
Terezinha De Deus | Suara Timor
Lorosae
Sem comentários:
Enviar um comentário