Iha loron-kinta ne'e, señora
timoroan-australianu ida, Maria Pinto Exposto, hetan kondenasaun ba mate ho
enforkamentu iha Malázia, tanba tráfiku droga, hafoin tribunal rekursu ida
reverte absolvisaun hosi orden dahuluk.
Iha desizaun, Tribunal Rekursu
iha Kuala Lumpur desidi, ho unanimidade, reverte desizaun ne'ebé maka foti iha
fulan lima liubá, hodi konsidera Maria Pinto Exposto hanesan kulpadu ba krimi
sira ne'ebé hanesan nia akuzasaun.
"Ami haree ona méritu sira
hosi rekursu [prokuradoria nian], ami rekoñese ona rekursu (...) no ami
konsidera nia hanesan kulpadu. Kastigu úniku tuir lei maka mate ho
enforkamentu", refere hosi desizaun juís sira nian.
Shafee Abdullah, advogadu hosi
timoroan-australianu nian, hatete ona ba jornalista sira katak sei hato'o
rekursu ba juridisaun superior.
Exposto, ho tinan 54, no
rezidente iha besik Liverpool, Inglaterra, kontinua detidu iha Malázia maski
iha fulan-Dezembru hetan absolvisaun hosi krimi tráfiku droga nian.
Desizaun ne'e, surprende ona
observador judisial sira, marka kazu ida ne'ebé akontese iha tinan 2014
bainhira kaer Exposto ho kilo ida metanfetamina iha nia mala bainhira to'o iha
Kuala Lumpur iha semo ida hosi Xina.
Iha instánsia dahuluk, juís
aseita ona versaun hosi defeza ne'ebé hatete katak Exposto laiha koñesimentu ba
droga sira no namoradu ida ne'ebé nia koñese online lohi nia, deklara nia
absolvisaun no permiti atu nia halo viajen ba Austrália.
SAPO TL ho Lusa
Foto: Maria Elvira Pinto Exposto.
Foto@ Fazry Ismail/EPA/Lusa
Sem comentários:
Enviar um comentário